ಬೆಂಗಳೂರು: ರಸ್ತೆ ನಿರ್ವಹಣೆ ಹಾಗೂ ಜಾಯಿಂಟ್ ಅಳವಡಿಕೆ ಕಾಮಗಾರಿ ಹಿನ್ನೆಲೆಯಲ್ಲಿ ಎಲೆಕ್ಟ್ರಾನಿಕ್ ಸಿಟಿ ಮೇಲ್ಸೇತುವೆಯಲ್ಲಿ ಸೋಮವಾರ (ಡಿ.17) ಮಧ್ಯರಾತ್ರಿಯಿಂದ ಭಾರೀ ವಾಹನಗಳ ಸಂಚಾರವನ್ನು ನಿರ್ಬಂಧಿಸಲಾಗಿದೆ.
‘ದ್ವಿಚಕ್ರ ವಾಹನ, ಕಾರು, ಟಿ.ಟಿ ಸೇರಿ ಲಘು ವಾಹನಗಳು ಸಂಚಾರ ನಡೆಸಬಹುದು.ಸರ್ಕಾರಿ, ಖಾಸಗಿ ಬಸ್ಗಳು ಸೇರಿದಂತೆ ಎಲ್ಲಾ ವಿಧದ ಭಾರೀ ವಾಹನಗಳು ಕಾಮಗಾರಿ ಪೂರ್ಣಗೊಳ್ಳುವರೆಗೂ ಮೇಲ್ಸೇತುವೆ ಬಳಸುವಂತಿಲ್ಲ’ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
‘ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ (ಎನ್ಎಚ್ಐಎ) ನಿರ್ದೇಶನದ ಅನುಸಾರ 2019ರ ಮಾರ್ಚ್ 15ರ ಒಳಗೆ ಜಾಯಿಂಟ್ಗಳ ನಿರ್ವಹಣೆ ಕೆಲಸ ಪೂರ್ಣಗೊಳಿಸಬೇಕಿದೆ. ಹೀಗಾಗಿ, ಮೇಲ್ಸೇತುವೆಯಲ್ಲಿ ಒಂದು ಪಥವನ್ನು ಸಂಪೂರ್ಣ ಬಂದ್ ಮಾಡಿ ಕಾಮಗಾರಿ ನಡೆಸಲಾಗುತ್ತದೆ’ ಎಂದು ವಿವರಿಸಲಾಗಿದೆ.