ಬೆಂಗಳೂರು: ಭಾರತ ಜೋಡೊ ಯಾತ್ರೆ ಯಲ್ಲಿ ‘ಕೆಜಿಎಫ್–2’ ಸಿನಿಮಾ ಹಾಡು ಬಳಸಿ ಕೃತಿಚೌರ್ಯ ಆರೋಪದಡಿ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಸೇರಿ ಮೂವರ ವಿರುದ್ಧ ಯಶವಂತಪುರ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.
‘ಎಂಆರ್ಟಿ ಮ್ಯೂಸಿಕ್ ಆಡಿಯೊ ಕಂಪನಿ ಪಾಲುದಾರ ಎಂ.ನವೀನ್ಕುಮಾರ್ ದೂರು ನೀಡಿದ್ದಾರೆ. ಕೃತಿಚೌರ್ಯ ಹಾಗೂ ಮಾಹಿತಿ ತಂತ್ರಜ್ಞಾನ ಕಾಯ್ದೆಯಡಿ ರಾಹುಲ್ಗಾಂಧಿ, ಜೈರಾಮ್ ರಮೇಶ್, ಸುಪ್ರಿಯಾ ಶ್ರೀನಾತೆ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ’ ಎಂದು ಪೊಲೀಸ್ ಮೂಲಗಳು ಹೇಳಿವೆ.
