ಬೆಂಗಳೂರು:ಹೊಸ ವರ್ಷದ ಮೊದಲ ದಿನ ನಗರದ ವಿವಿಧೆಡೆ ಇರುವ ಬಿಬಿಎಂಪಿ ಆಸ್ಪತ್ರೆಗಳಲ್ಲಿಒಟ್ಟು ಐದು ಹೆಣ್ಣುಮಕ್ಕಳು (ಪಿಂಕ್ ಬೇಬಿ) ಜನಿಸಿವೆ. ಈ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿಬಿಬಿಎಂಪಿ ತಲಾ ₹ 5 ಲಕ್ಷ ಠೇವಣಿ ಇಡಲಿದೆ.
ಜ.1ರಂದು ಬಿಬಿಎಂಪಿ ಆಸ್ಪತ್ರೆಗಳಲ್ಲಿ ಸಹಜ ಹೆರಿಗೆ ಮೂಲಕ ಜನಿಸುವಹೆಣ್ಣು ಮಕ್ಕಳಿಗೆ ವಿದ್ಯಾಭ್ಯಾಸಕ್ಕಾಗಿ ವೈದ್ಯಾಧಿಕಾರಿ ಹಾಗೂ ಮಗುವಿನ ತಾಯಿಯ ಹೆಸರಿನಲ್ಲಿ ₹ 5 ಲಕ್ಷ ಠೇವಣಿ ಇಡುವ ಯೋಜನೆಯನ್ನು ಬಿಬಿಎಂಪಿ ಕಳೆದ ಬಜೆಟ್ನಲ್ಲಿ ಪ್ರಕಟಿಸಿತ್ತು.ಈ ಉದ್ದೇಶಕ್ಕಾಗಿ ಬಜೆಟ್ನಲ್ಲಿ ₹1.20 ಕೋಟಿ ಮೀಸಲಿಟ್ಟಿತ್ತು.
ನಗರದ ತಾವರೆಕೆರೆ, ಗಂಗಾನಗರ, ನಂದಿನಿ ಲೇಔಟ್, ತಿಮ್ಮಯ್ಯ ರಸ್ತೆ ಹೆರಿಗೆ ಆಸ್ಪತ್ರೆ, ರಾಜಾಜಿನಗರ ಬಿಬಿಎಂಪಿ ಆಸ್ಪತ್ರೆಗಳಲ್ಲಿ ಇಂದು ಒಟ್ಟು ಐದು ಹೆಣ್ಣುಮಕ್ಕಳು ಜನಿಸಿವೆ.