ಬೆಂಗಳೂರು: ಪಾನ ಪ್ರಿಯರು ಎರಡನೇ ದಿನವೂ ಮದ್ಯ ಖರೀದಿಗಾಗಿ ಮುಗಿಬಿದ್ದರು. ಮಂಗಳವಾರ ರಾಜ್ಯದಲ್ಲಿ ₹197 ಕೋಟಿಯಷ್ಟು ದಾಖಲೆಯ ವಹಿವಾಟು ನಡೆದಿದೆ.
ಲಾಕ್‌ಡೌನ್‌ ಬಳಿಕ ಸೋಮವಾರ ತೆರೆದ ಮದ್ಯದ ಅಂಗಡಿಗಳು ₹45 ಕೋಟಿ ವಹಿವಾಟು ನಡೆಸಿದ್ದವು. ಎರಡನೇ ದಿನ ನಾಲ್ಕು ಪಟ್ಟುಗಿಂತ ಹೆಚ್ಚು ಮದ್ಯ ಮಾರಾಟವಾಗಿದೆ. ಸಾಮಾನ್ಯ ಸಂದರ್ಭಗಳಲ್ಲಿ ರಾಜ್ಯದಲ್ಲಿ ಸರಾಸರಿ ₹75 ಕೋಟಿಯಷ್ಟು ಮದ್ಯದ ವಹಿವಾಟು ನಡೆಯುತ್ತದೆ.
ಭಾರತೀಯ ತಯಾರಿಕಾ ಮದ್ಯ 36.37ಲಕ್ಷ ಲೀಟರ್‌ (4.21 ಲಕ್ಷ ಕಾರ್ಟನ್) ಬಿಯರ್‌ 7.02 ಲಕ್ಷ ಲೀಟರ್‌ (90 ಸಾವಿರ ಕೇಸ್‌) ಮಾರಾಟವಾಗಿದೆ. ಕಡಿಮೆ ಬೆಲೆಯ ಮದ್ಯದ ಬ್ರ್ಯಾಂಡ್‌ಗಳು ಮಂಗಳವಾರ ಎಲ್ಲ ಕಡೆ ಲಭ್ಯವಾಗಿವೆ.
