ಬೆಂಗಳೂರು: ಇಂದು ಬೃಹತ್‌ ಉದ್ಯೋಗ ಮೇಳ

ಬೆಂಗಳೂರು: ಸಂಸದ ತೇಜಸ್ವಿ ಸೂರ್ಯ ಅವರ ‘ಸಂಸದ್ ಉದ್ಯೋಗ ಮಿತ್ರ’ ಕಾರ್ಯಕ್ರಮದಡಿ ‘ಬೃಹತ್ ಉದ್ಯೋಗ ಮೇಳ’ವನ್ನು ಇದೇ 28ರಂದು (ಭಾನುವಾರ) ಬೆಳಿಗ್ಗೆ 9.30ರಿಂದ ಬಿಟಿಎಂ ಬಡಾವಣೆಯ ಶಾಂತಿನಿಕೇತನ ಶಾಲೆಯಲ್ಲಿ ಆಯೋಜಿಸಲಾಗಿದೆ.

ಮೇಳ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಪಿ.ರಿಚರ್ಡ್, ಕೂ ಸಂಸ್ಥೆಯ ಅಪ್ರಮೇಯ, ಪ್ರಾಕ್ಟೊ ಸಂಸ್ಥೆಯ ಎನ್‌.ಡಿ.ಶಶಾಂಕ್, ಜೆಟುಡಬ್ಲ್ಯು ಸಂಸ್ಥೆಯ ಪ್ರೀತಿ ಸಾವಂತ್ ಭಾಗವಹಿಸಲಿದ್ದಾರೆ.

50ಕ್ಕೂ ಹೆಚ್ಚು ಕಂಪನಿಗಳು ಉದ್ಯೋಗ ಮೇಳದಲ್ಲಿ ಭಾಗವಹಿಸುತ್ತಿದ್ದು, ಆಸಕ್ತರು ಇದರ ಪ್ರಯೋಜನ ಪಡೆಯಬಹುದು ಎಂದು ಪ್ರಕಟಣೆ ತಿಳಿಸಿದೆ.

ವಿಳಾಸ:ಶಾಂತಿನಿಕೇತನ ಸ್ಕೂಲ್, ವೈಶ್ಯ ಬ್ಯಾಂಕ್ ಕಾಲೊನಿ, ಬಿಟಿಎಂ ಬಡಾವಣೆ 2ನೇ ಹಂತ.

ಸಂಪರ್ಕ:9916844844