ಕೆರೆ ಒತ್ತುವರಿ: ಹೊಸ ಸರ್ವೆಗೆ ನಿರ್ದೇಶನ

Last Updated 7 ಮಾರ್ಚ್ 2021, 2:58 IST

ಅಕ್ಷರ ಗಾತ್ರ

ಬೆಂಗಳೂರು: ಕಗ್ಗದಾಸಪುರ ಮತ್ತು ಬೇಗೂರು ಕೆರೆಗಳ ಅತಿಕ್ರಮಣಕ್ಕೆ ಸಂಬಂಧಿಸಿದಂತೆ ಹೊಸದಾಗಿ ಸರ್ವೆ ನಡೆಸುವಂತೆ ರಾಜ್ಯ ಸರ್ಕಾರಕ್ಕೆ ಹೈಕೋರ್ಟ್‌ ನಿರ್ದೇಶನ ನೀಡಿದೆ.

ಈಗ ನಡೆಸಿರುವ ಸರ್ವೆಯಲ್ಲಿ ಮೀಸಲು ಪ್ರದೇಶಗಳ ಗಡಿರೇಖೆ ಗುರುತಿಸಿಲ್ಲ ಎಂದು ಮುಖ್ಯ ನ್ಯಾಯಮೂರ್ತಿ ಎ.ಎಸ್. ಓಕಾ ನೇತೃತ್ವದ ವಿಭಾಗೀಯ ಪೀಠ ಅಭಿಪ್ರಾಯಪಟ್ಟಿದೆ.

ಸರ್ಕಾರ ಸಲ್ಲಿಸಿದ್ದ ಅಫಿಡವಿಟ್‌ ಪರಿಶೀಲಿಸಿದ ಪೀಠ, ‘ಅತಿಕ್ರಮಣ ಕಂಡು ಹಿಡಿಯಲು ಮೀಸಲು ಪ್ರದೇಶದ ಗಡಿರೇಖೆ ಅತ್ಯಗತ್ಯ ಮತ್ತು ಅದನ್ನು ಮೊದಲು ಮಾಡಬೇಕು’ ಎಂದು ತಿಳಿಸಿತು.

‘ಕೆರೆ ಒತ್ತುವರಿ ಮತ್ತು ಅನಧಿಕೃತ ಕಟ್ಟಡಗಳನ್ನು ತೆರವುಗೊಳಿಸಲು ಕೂಡಲೇ ಕ್ರಮ ಕೈಗೊಳ್ಳಬೇಕು’ ಎಂದು ಪೀಠ ನಿರ್ದೇಶನ ನೀಡಿತು.

ಸುಬ್ರಹ್ಮಣ್ಯಪುರ ಕೆರೆ ಸರ್ವೆ ನಡೆಸಲು ಒಂದು ತಿಂಗಳ ಕಾಲಾವಕಾಶ ನೀಡಿದ ಪೀಠ, ವಿಚಾರಣೆಯನ್ನು ಇದೇ 19ಕ್ಕೆ ಮುಂದೂಡಿತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.