ಟ್ವಿಟರ್ ಪ್ರಕರಣ: ಸಮಯ ಕೋರಿಕೆಗೆ ಕೋರ್ಟ್‌ ಬೇಸರ

ಈ ಕುರಿತಂತೆ 'ಟ್ವಿಟರ್' ಕಂಪನಿಯ ಬೆಂಗಳೂರಿನ ಪ್ರತಿನಿಧಿ ಸಲ್ಲಿಸಿರುವ ರಿಟ್‌ ಅರ್ಜಿಯನ್ನು ನ್ಯಾಯಮೂರ್ತಿ ಕೃಷ್ಣ ಎಸ್‌.ದೀಕ್ಷಿತ್‌ ಅವರಿದ್ದ ಏಕಸದಸ್ಯ ನ್ಯಾಯಪೀಠ ವಿಚಾರಣೆ ನಡೆಸಿತು. ಕೇಂದ್ರ ಸರ್ಕಾರದ ವಕೀಲರು, ‘ವಿಚಾರಣೆಯನ್ನು ಇದೇ 27 ಅಥವಾ ಫೆಬ್ರುವರಿ 3ಕ್ಕೆ ಮುಂದೂಡಬೇಕು’ ಎಂದು ಕೋರಿದರು.

ಇದನ್ನು ಒಪ್ಪದ ನ್ಯಾಯಪೀಠ, ‘ಸುಪ್ರೀಂ ಕೋರ್ಟ್ ಈ ಅರ್ಜಿಯನ್ನು ತ್ವರಿತವಾಗಿ ವಿಚಾರಣೆ ನಡೆಸಿ ತೀರ್ಪು ನೀಡುವಂತೆ ನಿರ್ದೇಶನ ನೀಡಿದೆ. ನೀವು ಕೇಳಿದಂತೆ ಪದೇ ಪದೇ ಮುಂದೂಡಲಾಗದು’ ಎಂದು ಹೇಳಿ ಇದೇ 18ಕ್ಕೆ ವಿಚಾರಣೆ ನಿಗದಿಪಡಿಸಿದೆ.