ಬೆಂಗಳೂರು: ಕೆಂಗೇರಿ ಸಂಚಾರ ಠಾಣೆಯ ಕಾನ್ಸ್ಟೆಬಲ್ ಪ್ರಿಯಾಂಕಾ (30) ಅವರು ಹೃದಯಾಘಾತದಿಂದಾಗಿ ಭಾನುವಾರ ರಾತ್ರಿ ನಿಧನರಾದರು.
ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು 10 ದಿನ ರಜೆ ಪಡೆದು, ಚಿಕ್ಕಮಗಳೂರು ಜಿಲ್ಲೆಯ ಅಜ್ಜಂಪುರದಲ್ಲಿದ್ದರು. ಅಲ್ಲಿಯೇ ಅವರು ತೀರಿಕೊಂಡಿದ್ದಾರೆ.
ಪ್ರಿಯಾಂಕಾ ಪತಿ ಕೋವಿಡ್ನಿಂದಾಗಿ 2021ರಲ್ಲಿ ತೀರಿಕೊಂಡಿದ್ದರು. ನಂತರ, ಮಗುವಿನ ಜೊತೆ ಪ್ರಿಯಾಂಕಾ ವಾಸವಿದ್ದರು. ತಂದೆ– ತಾಯಿಯನ್ನು ಕಳೆದುಕೊಂಡಿರುವ ಮಗು ಸದ್ಯ ಸಂಬಂಧಿಕರ ಬಳಿಯಿದೆ.
