ಬೆಂಗಳೂರು: ‘ಪ್ರಜಾವಾಣಿ- ಡೆಕ್ಕನ್ ಹೆರಾಲ್ಡ್‌ ಪರಿಹಾರ ಟ್ರಸ್ಟ್’ ಹಾಗೂ ಸಿನೊಪ್ಸಿಸ್ ಇಂಡಿಯಾ ಪ್ರೈ.ಲಿ. ನೀಡಿದ ಆರ್ಥಿಕ ಪರಿಹಾರವನ್ನು ಬಳಸಿಕೊಂಡು, ರೋಟರಿ ಕ್ಲಬ್ ನೈರುತ್ಯ ವಿಭಾಗ ಹಾಗೂ ಪ್ರಾಜೆಕ್ಟ್ ಸ್ಟೆಪ್ ಒನ್ ₹ 8.5 ಲಕ್ಷ ಮೌಲ್ಯದ ವೈದ್ಯಕೀಯ ಉಪಕರಣಗಳನ್ನು ನಿಮ್ಹಾನ್ಸ್‌ಗೆ ಹಸ್ತಾಂತರಿಸಿವೆ.
ರಾಜ್ಯದ ಸರ್ಕಾರಿ ಆಸ್ಪತ್ರೆಗಳಲ್ಲಿ ವೈದ್ಯಕೀಯ ಆಮ್ಲಜನಕ ಹಾಗೂ ತೀವ್ರ ನಿಗಾ ಘಟಕಕ್ಕೆ ಮೂಲಸೌಕರ್ಯ ಒದಗಿಸುವ ಕಾರ್ಯವನ್ನು ರೋಟರಿ ಕ್ಲಬ್ ನೈರುತ್ಯ ವಿಭಾಗ ಹಾಗೂ ಪ್ರಾಜೆಕ್ಟ್ ಸ್ಟೆಪ್ ಒನ್ ಮುಂದುವರೆಸಿವೆ. ಮೂಲಸೌಕರ್ಯ ವೃದ್ಧಿಗೆ ಈವರೆಗೆ ₹ 50 ಲಕ್ಷ ಮೌಲ್ಯದ ವಿವಿಧ ವೈದ್ಯಕೀಯ ಉಪಕರಣಗಳನ್ನು ದಾನ ನೀಡಿವೆ.
ರೋಟರಿ ಕ್ಲಬ್ ನೈರುತ್ಯ ವಿಭಾಗದ ಅಧ್ಯಕ್ಷ ಅಮರಚಂದ್ ರಾಂಧರ್ ಅವರು ನಿಮ್ಹಾನ್ಸ್ ನಿರ್ದೇಶಕಿ ಡಾ. ಪ್ರತಿಮಾ ಮೂರ್ತಿ ಅವರಿಗೆ 5ಬೈಪಾಸ್‌ ಯಂತ್ರಗಳು, 2 ಎಚ್‌ಎನ್‌ಎಫ್‌ಸಿ ಯಂತ್ರಗಳನ್ನು ಹಸ್ತಾಂತರಿಸಿದರು.
