ನೇಮಕಾತಿಯಲ್ಲಿ ಅಂಗವಿಕಲರಿಗೆ ಮೀಸಲಾತಿ: ಪರಿಷ್ಕೃತ ಆದೇಶ

100 ರಿಕ್ತ ಸ್ಥಾನಗಳಿಗೆ ಅನ್ವಯಿಸಿ ಗ್ರೂಪ್‌ ‘ಎ’ ಮತ್ತು ‘ಬಿ’ ಹುದ್ದೆಗಳಲ್ಲಿ ದೃಷ್ಟಿ ಮಾಂದ್ಯರಿಗೆ ಶೇ 1 (4), ಶ್ರವಣ ದೋಷ ಇರುವವರಿಗೆ ಶೇ 1 (44) ಮಿದುಳಿನ ಪಾರ್ಶ್ವವಾಯು, ಕುಷ್ಠರೋಗ ನಿವಾರಿತ ವ್ಯಕ್ತಿಗಳು, ಕುಬ್ಜತೆ, ಆ್ಯಸಿಡ್‌ ದಾಳಿಗೆ ತುತ್ತಾದವರು ಮತ್ತು ಬಹುವಿಧ ಸ್ನಾಯು ಸವೆತಗೊಂಡವರಿಗೆ ಶೇ 1 (24), ಆಟಿಸಂ ಸೇರಿದಂತೆ ಇತರೆ ಬಹುವಿಧ ಅಂಗವಿಕಲತೆ ಇರುವರಿಗೆ ಶೇ 1 (64) ಮೀಸಲಾತಿ ಹಂಚಿಕೆ ಮಾಡಲಾಗಿದೆ.

ಗ್ರೂಪ್‌ ‘ಸಿ‌’ ಮತ್ತು ‘ಡಿ’ ಹುದ್ದೆಗಳಲ್ಲಿ ದೃಷ್ಟಿಮಾಂದ್ಯರಿಗೆ ಶೇ 1 (4), ಶ್ರವಣದೋಷ ಇರುವವರಿಗೆ ಶೇ 1 (44), ಮೆದುಳಿನ ಪಾರ್ಶ್ವವಾಯು, ಕುಷ್ಠರೋಗ ನಿವಾರಿತ ವ್ಯಕ್ತಿಗಳು, ಕುಬ್ಜತೆ, ಆ್ಯಸಿಡ್‌ ದಾಳಿಗೆ ತುತ್ತಾದವರಿಗೆ ಮತ್ತು ಬಹುವಿಧ ಸ್ನಾಯು ಸವೆತಗೊಂಡವರಿಗೆ ಶೇ 2 (24, 84), ಆಟಿಸಂ ಸೇರಿದಂತೆ ಇತರೆ ಬಹುವಿಧ ಅಂಗವಿಕಲತೆ ಇರುವರಿಗೆ ಶೇ 1 (64) ಮೀಸಲಾತಿ ಹಂಚಿಕೆ ಮಾಡಲಾಗಿದೆ.