ಪತ್ರಿಕಾ ವಿತರಕರ ಉತ್ಸಾಹ; ಮೆಚ್ಚುಗೆ

ನಸುಕಿನಲ್ಲಿ 3 ಗಂಟೆಗೆ ಮುನ್ನವೇ ನಸುಕಿನಲ್ಲಿ ನಿಗದಿತ ಸ್ಥಳಗಳಿಗೆ ಬಂದ ವಿತರಕರು, ಉತ್ಸಾಹದಿಂದಲೇ ಪತ್ರಿಕೆ ಜೋಡಿಸುವ ಕೆಲಸ ಮಾಡಿದರು. ಕೊರೊನಾ ವೈರಾಣು ಹರಡುವಿಕೆಯನ್ನು ತಡೆಯಲು ಪ್ರತಿಯೊಂದು ಪತ್ರಿಕೆಗೂ ಸೋಂಕು ನಿವಾರಕ ದ್ರಾವಣ ಸಿಂಪಡಿಸಿ ಓದುಗರ ಮನೆಗಳಿಗೆ ತಲುಪಿಸಿದರು. ಪತ್ರಿಕೆ ತಲುಪಿಸುವ ಹುಡುಗರು ಅವರಿಗೆ ಸಾಥ್ ನೀಡಿದರು.

ಕೊರೊನಾ ವೈರಾಣು ಹರಡದಂತೆ ದ್ರಾವಣ ಸಿಂಪಡಿಸಿ ‘ಪ್ರಜಾವಾಣಿ’ ಹಾಗೂ ‘ಡೆಕ್ಕನ್ ಹೆರಾಲ್ಡ್’ ಪತ್ರಿಕೆಗಳ ಬಂಡಲ್‌ಗಳನ್ನು ವಾಹನಗಳ ಮೂಲಕ ವಿತರಕರಿಗೆ ಕಳುಹಿಸಲಾಗಿತ್ತು. ಅದನ್ನು ಸ್ವೀಕರಿಸಿದ ವಿತರಕರು ಶ್ರದ್ಧೆಯಿಂದಲೇ ಓದುಗರ ಕೈಗೆ ಸಿಗುವಂತೆ ಮಾಡಿದರು. ಕರ್ಫ್ಯೂ ಆರಂಭಕ್ಕೂ ಮುನ್ನವೇ ಪತ್ರಿಕೆಗಳು ಓದುಗರ ಮನೆ ತಲುಪಿದ್ದವು. ವಿತರಕರ ಕೆಲಸವನ್ನು ಮೆಚ್ಚಿದ ಓದುಗರು, ಪ್ರಶಂಸೆ
ವ್ಯಕ್ತಪಡಿಸಿದ್ದಾರೆ.