ಬೆಂಗಳೂರು:ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆಯ (ನಿಮ್ಹಾನ್ಸ್‌)ಹೊರ ರೋಗಿಗಳ ವಿಭಾಗದ ಕಟ್ಟಡದಲ್ಲಿ ಮಾಹಿತಿ ಕೇಂದ್ರವನ್ನು ಆರಂಭಿಸಲಾಗಿದೆ. ವಾರದ ಎಲ್ಲ ದಿನ ಬೆಳಿಗ್ಗೆ 9.30ರಿಂದ ಮಧ್ಯಾಹ್ನ 3.30ರವರೆಗೆ ಈ ಕೇಂದ್ರವು ತೆರೆದಿರುತ್ತದೆ.
ನಿಮ್ಹಾನ್ಸ್‌ನ ಮನೋವಿಜ್ಞಾನ ಸಾಮಾಜಿಕ ಕಾರ್ಯ ವಿಭಾಗವು ನಿರ್ವಹಿಸಲಿರುವ ಈ ಮಾಹಿತಿ ಕೇಂದ್ರವನ್ನು ನಿಮ್ಹಾನ್ಸ್‌ ನಿರ್ದೇಶಕ ಡಾ. ಬಿ.ಎನ್. ಗಂಗಾಧರ ಇತ್ತೀಚೆಗೆ ಉದ್ಘಾಟಿಸಿದರು.
ಯಾವ ಮಾಹಿತಿ ಲಭ್ಯ:
*ಸರ್ಕಾರದ ಯೋಜನೆಗಳು ಮತ್ತು ಕಲ್ಯಾಣ ಕಾರ್ಯಕ್ರಮಗಳು
* ಅಂಗವಿಕಲರ ಪ್ರಮಾಣಪತ್ರ, ನಿರ್ದಿಷ್ಟ ಗುರುತಿನ ಚೀಟಿ, ಅಂಗವಿಕಲರ ಪಿಂಚಣಿ, ಸಂಚಾರ ಭತ್ಯೆ
* ವಿಮೆ (ಆಯುಷ್ಮಾನ್‌ ಭಾರತ್‌), ವಿಮಾ ನೌಕರರ ಸೌಲಭ್ಯಗಳು, ಶೈಕ್ಷಣಿಕ ಸೌಲಭ್ಯ, ಆದಾಯ ತೆರಿಗೆ ವಿನಾಯಿತಿ, ಸಾಲ ಸೌಲಭ್ಯ
* ಕೌಶಲ ತರಬೇತಿ ಕೇಂದ್ರಗಳು, ವಸತಿ ಯೋಜನೆ, ಪಿಂಚಣಿ ವರ್ಗಾವಣೆ, ಉಚಿತ ಕಾನೂನು ಸೇವೆಗಳು ಮತ್ತು ಆಂಬುಲೆನ್ಸ್‌ ಸೇವೆಗಳು
* ಮಾನಸಿಕ ಮತ್ತು ನರವೈಜ್ಞಾನಿಕ ಸಮಸ್ಯೆಗಳನ್ನು ಹೊಂದಿರುವವರಿಗೆ ಪುನರ್ವಸತಿ ಕೇಂದ್ರಗಳ ಬಗ್ಗೆ ಮಾಹಿತಿ
