ಬುಧವಾರ, ಫೆಬ್ರವರಿ 26, 2020
19 °C

ಬಟ್ಟೆ ಆರ್ಡರ್‌ ಮಾಡಿ ₹45 ಸಾವಿರ ಕಳೆದುಕೊಂಡರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

ಬೆಂಗಳೂರು: ‘ಫೇಸ್‌ಬುಕ್‌’ನಲ್ಲಿದ್ದ ಲಿಂಕ್‌ ಮೂಲಕ ₹894 ಪಾವತಿಸಿ ಬಟ್ಟೆ ಖರೀದಿಸಿದ್ದ ನಗರದ ಯುವತಿಯೊಬ್ಬರು, ಆ ಹಣ ವಾಪಸು ಪಡೆಯಲು ಹೋಗಿ ₹44,900 ಕಳೆದುಕೊಂಡಿದ್ದಾರೆ.

ಈ ಸಂಬಂಧ ಇಂದಿರಾನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

‘ಜ. 9ರಂದು ಯುವತಿ ಬಟ್ಟೆ ಖರೀದಿಸಿದ್ದರು. ಕೆಲ ದಿನ ಬಿಟ್ಟು ಪಶ್ಚಿಮ ಬಂಗಾಳದವನೆಂದು ಹೇಳಿ ಕರೆ ಮಾಡಿದ್ದ ವ್ಯಕ್ತಿಯೊಬ್ಬ ಆರ್ಡರ್ ರದ್ದಾಗಿರುವುದಾಗಿ ಹೇಳಿದ್ದ. ಹಣ ಮರುಪಾವತಿ ಮಾಡುವುದಾಗಿ ತಿಳಿಸಿ ಲಿಂಕ್‌ ಕಳುಹಿಸಿದ್ದ. ಲಿಂಕ್‌ ಅನ್ನು ತನ್ನ ಮೊಬೈಲ್‌ ನಂಬರ್‌ಗೆ ವಾಪಸು ಕಳುಹಿಸಿದರೆ ಹಣ ಜಮೆ ಆಗುವುದಾಗಿ ಹೇಳಿದ್ದ’ ಎಂದು ಪೊಲೀಸರು ಹೇಳಿದರು.

‘ಆರೋಪಿ ಮಾತು ನಂಬಿದ್ದ ಯುವತಿ, ಲಿಂಕ್‌ ಕಳುಹಿಸಿದ್ದರು. ಅದಾಗಿ ಕೆಲ ನಿಮಿಷಗಳಲ್ಲೇ ಯುವತಿಯ ಖಾತೆಯಿಂದ ₹44,900 ಡ್ರಾ ಆಗಿದೆ’ ಎಂದು ತಿಳಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು