ಡಿಜಿಪಿಗೆ ಪತ್ರ ಬರೆದದ್ದು ನಾನೇ: ಡಿವೈಎಸ್ಪಿ ಕಾಶಿ ಸ್ಪಷ್ಟನೆ

7

ಡಿಜಿಪಿಗೆ ಪತ್ರ ಬರೆದದ್ದು ನಾನೇ: ಡಿವೈಎಸ್ಪಿ ಕಾಶಿ ಸ್ಪಷ್ಟನೆ

Published:
Updated:

ಬೆಂಗಳೂರು: ‘ಇಲಾಖೆಯಲ್ಲಿ ಅಧಿಕಾರಿಗಳು ಕಿರುಕುಳ ನೀಡುತ್ತಿರುವ ಕುರಿತು ಡಿಜಿಪಿ ಅವರಿಗೆ ಪತ್ರ ಬರೆದದ್ದು ನಾನೇ' ಎಂದು ಡಿವೈಎಸ್‌ಪಿ ಕಾಶಿ ಹೇಳಿದರು. 

‘ಜೂನ್‌ 18 ರಂದು ಪತ್ರ ಬರೆದಿದ್ದೆ. ಅದನ್ನು ಜುಲೈ 7 ರಂದು ಅಧಿಕಾರಿಗಳು ಮಾಧ್ಯಮಗಳಿಗೆ ಲೀಕ್ ಮಾಡಿದ್ದಾರೆ. ಅದರ ಮುಂದುವರಿದ ಭಾಗವಾಗಿ, ಆನೆದಂತ ಮಾರಾಟ ಪ್ರಕರಣದಲ್ಲಿ ಅನಗತ್ಯವಾಗಿ ನನ್ನ ಹೆಸರನ್ನು ತಂದು ಗೌರವಕ್ಕೆ ಧಕ್ಕೆ ತಂದಿದ್ದಾರೆ’ ಎಂದು ತಿಳಿಸಿದರು.

ಆನೆದಂತ ಮಾರಾಟ ಪ್ರಕರಣಕ್ಕೂ ನನಗೂ ಸಂಬಂಧವಿಲ್ಲ. ಸುದೇಶ್ ನನ್ನ ಸಂಬಂಧಿಕನೂ ಅಲ್ಲ. ಪರಿಚಿತ ಅಷ್ಟೇ ಎಂದು ಸ್ಪಷ್ಟಪಡಿಸಿದರು. 

‘ಭಾನುವಾರ ಸಂಜೆ ಸುದೇಶ್ ಪತ್ನಿ ಕರೆ ಮಾಡಿ, ‘ಅಶೋಕನಗರ ಪೊಲೀಸರು ನನ್ನ ಪತಿಯನ್ನು ಬಂಧಿಸಿ ಠಾಣೆಗೆ ಕರೆತಂದಿದ್ದಾರೆ. ಅಪಾರ್ಟ್‌ಮೆಂಟ್‌ ಕೀಯನ್ನೂ ತಗೊಂಡು ಹೋಗಿದ್ದಾರೆ. ಆದ್ದರಿಂದ ನಾನೂ ಮನೆಗೆ ಹೋಗೋಕೆ ಆಗ್ತಿಲ್ಲ’ ಎಂದರು. ಆದಕ್ಕೆ ನಾನು ಇನ್ಸ್‌ಸ್ಪೆಕ್ಟರ್‌ ಶಶಿಧರ್‌ಗೆ ಕರೆ ಮಾಡಿ ಏನಾಗಿದೆ ಎಂದು ವಿಚಾರಿಸಿದೆ. ಅವರು ಸರಿಯಾಗಿ ಮಾತನಾಡಲಿಲ್ಲ. ಹೀಗಾಗಿ, ಕಮಿಷನರ್‌ಗೆ ಕರೆ ಮಾಡಿ ದೂರು ನೀಡಿದ್ದೆ. ಅಷ್ಟಕ್ಕೇ ಸುದೇಶ್ ನನ್ನ ಸಂಬಂಧಿ ಅಂತ ಇನ್ಸ್‌ಸ್ಪೆಕ್ಟರ್‌ ಸುಳ್ಳು ಸುದ್ದಿ ಹಬ್ಬಿಸಿದ್ದಾರೆ’ ಎಂದು ಕಾಶಿ ಆರೋಪಿಸಿದ್ದಾರೆ.

ಇದನ್ನೂ ಓದಿ...

ಚರ್ಚೆಗೆ ಗ್ರಾಸವಾದ ಡಿವೈಎಸ್ಪಿ ಪತ್ರ

ಬರಹ ಇಷ್ಟವಾಯಿತೆ?

  • 8

    Happy
  • 1

    Amused
  • 0

    Sad
  • 0

    Frustrated
  • 2

    Angry

Comments:

0 comments

Write the first review for this !