ಬೆಂಗಳೂರು: ಸಾಧಾರಣ ಟಿವಿಗಳಿಗೆ ಪ್ರತಿಷ್ಠಿತ ಕಂಪನಿಗಳ ಸ್ಟಿಕರ್ ಅಂಟಿಸಿ ಹೆಚ್ಚು ಹಣಕ್ಕೆ ಮಾರಾಟ ಮಾಡಿ ವಂಚಿಸುತ್ತಿದ್ದ ಆರೋಪಿಯನ್ನು ಸಿಸಿಬಿಪೊಲೀಸರು ಬಂಧಿಸಿದ್ದಾರೆ.
ಚಾಮರಾಜಪೇಟೆಯ ಸುರೇಶ್ (45) ಬಂಧಿತ ಆರೋಪಿ. ಆರೋಪಿಯಿಂದ 15 ಟಿವಿ, ₹ 75 ಸಾವಿರ ನಗದು ಜಪ್ತಿ ಮಾಡಲಗಿದೆ.
ಸುರೇಶ್ ಸಾಧಾರಣ ಟಿವಿಗಳನ್ನು ಖರೀದಿಸಿ ಅದಕ್ಕೆ ಸೋನಿ ಕಂಪನಿಯ ಸ್ಟಿಕರ್ ಅಂಟಿಸಿ ಅಸಲಿ ಟಿವಿಯಂತೆ ಬಿಂಬಿಸಿ, ಹೆಚ್ಚು ಹಣಕ್ಕೆ ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದ. ಈ ವಿಷಯ ಗೊತ್ತಾಗಿ ಕಂಪನಿಯವರು ಸಿಸಿಬಿ ಪೊಲೀಸರಿಗೆ ದೂರು ನೀಡಿದ್ದರು.
ದೂರಿನ ಆಧಾರದ ಮೇರೆಗೆ ಸಿಸಿಬಿ ಪೊಲೀಸರು ವಿಶೇಷ ತಂಡ ರಚನೆ ಮಾಡಿ ದಾಳಿ ನಡೆಸಿ, ಆರೋಪಿ ಬಂಧಿಸಿದ್ದಾರೆ.