ಲೈಂಗಿಕ ಕಿರುಕುಳ; ಸಹೋದ್ಯೋಗಿ ಬಂಧನ

‘ಕುಣಿಗಲ್‌ನ ನಂಜೇಗೌಡ ಜೆ.ಪಿ.ನಗರದಲ್ಲಿರುವ ಗೃಹರಕ್ಷಕ ಘಟಕದಲ್ಲಿ ಕೆಲಸ ಮಾಡುತ್ತಿದ್ದ. ಅದೇ ಘಟಕದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಗೃಹರಕ್ಷಕಿ ನೀಡಿದ್ದ ದೂರಿನಡಿ ಆತನನ್ನು ಬಂಧಿಸಲಾಗಿತ್ತು. ನ್ಯಾಯಾಲಯದ ಜಾಮೀನು ಮೇಲೆ ಆತ ಬಿಡುಗಡೆ ಆಗಿದ್ದಾನೆ’ ಎಂದು ಪೊಲೀಸರು ಹೇಳಿದರು.

‘ವರ್ಷದ ಹಿಂದಷ್ಟೇ ಗೃಹರಕ್ಷಕ ದಳ ಸೇರಿದ್ದ ಮಹಿಳೆ ಹಲವು ಕಡೆ ಭದ್ರತೆಗೆ ನಿಯೋಜನೆಗೊಳ್ಳುತ್ತಿದ್ದರು. ಭದ್ರತೆ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದ ಆರೋಪಿ, ಮಹಿಳೆ ಜೊತೆ ಅನುಚಿತವಾಗಿ ವರ್ತಿಸುತ್ತಿದ್ದ. ತನ್ನ ಜೊತೆ ಲೈಂಗಿಕವಾಗಿ ಸಹಕರಿಸಿದರೆ ಹಾಜರಾತಿ ನೀಡುವುದಾಗಿ ಪೀಡಿಸುತ್ತಿದ್ದ. ವಿಡಿಯೊ ಕರೆ ಮಾಡುವಂತೆ ಹಾಗೂ ತನ್ನ ಜೊತೆ ಪ್ರವಾಸಕ್ಕೆ ಬರುವಂತೆ ಕಾಟ ಕೊಡುತ್ತಿದ್ದ.’

‘ಆರೋಪಿ ವರ್ತನೆ ಮಿತಿ ಮೀರುತ್ತಿದ್ದಂತೆ ಮಹಿಳೆ ಪತಿಗೆ ವಿಷಯ ತಿಳಿಸಿದ್ದರು. ನಂತರ ಹಿರಿಯ ಅಧಿಕಾರಿಗಳಿಗೆ ಮಾಹಿತಿ ನೀಡಿ ಆರೋಪಿ ವಿರುದ್ಧ ಠಾಣೆಗೆ ದೂರು ನೀಡಿದ್ದರು’ ಎಂದು ತಿಳಿಸಿದರು.