‘ಅಮ್ಮ ಮದುವೆಯಾದಾಗ ಆಕೆಗೆ 16 ವರ್ಷ ವಯಸ್ಸು. ಮನೆಯ ಕೊನೆಯ ಸೊಸೆಯಾಗಿದ್ದ ಆಕೆಯೊಂದಿಗೆ ನನ್ನ ನಾಲ್ವರು ದೊಡ್ಡಮ್ಮಂದಿರೂ ಅತ್ತೆಯರಂತೆಯೇ ನಡೆದುಕೊಳ್ಳುತ್ತಿದ್ದರು. ನಾನು ಜನಿಸಿದಾಗ ಆಕೆಗೆ 18 ವರ್ಷವೂ ಆಗಿರಲಿಲ್ಲ ಎನಿಸುತ್ತದೆ. ಮನೆಯ ಅಷ್ಟೂ ಮಂದಿಗೂ ಅಡುಗೆ ಮಾಡುವ ಹೊಣೆ ಹೊತ್ತಿದ್ದ ಆಕೆ, ಎಲ್ಲರ ಊಟ ಮುಗಿದ ಬಳಿಕವೇಊಟಕ್ಕೆ ಕೂರುತ್ತಿದ್ದಳು. ಪಾತ್ರೆ ತೊಳೆಯುವ ಕೆಲಸವೂ ಆಕೆಯದ್ದೆ. ಮರುದಿನ ಮುಂಜಾನೆ ಆಕೆಯೇ ಎಲ್ಲರಿಗಿಂತಲೂ ಮುಂಚೆ ಎದ್ದು ಒಲೆ ಹಚ್ಚಬೇಕಿತ್ತು. ಆಕೆಯ ಮೊಗದಲ್ಲಿ ಮೂಡಿರುತ್ತಿದ್ದ ನಿರ್ಲಿಪ್ತ ಭಾವ ನನ್ನ ಮನಸ್ಸಿನಲ್ಲಿ ಢಾಳಾಗಿ ಕೂತುಬಿಟ್ಟಿದೆ’ ಎಂದು ಭಾವುಕರಾದರು.