ಕೆಲವು ವಿದ್ಯಾರ್ಥಿಗಳ ಕುಟುಂಬದ ಹಿನ್ನೆಲೆಯನ್ನು 15 ದಿನಗಳಿಂದ ತಿಳಿದುಕೊಂಡಿದ್ದ ಆರೋಪಿ, ಈ ಪೈಕಿ ಒಬ್ಬನನ್ನು ಅಪಹರಿಸಲು ಯೋಜನೆ ರೂಪಿಸಿದ್ದ. ಮಂಗಳವಾರ (ಜ. 28) ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಶಾಲೆಯಿಂದ ಹೊರಬಂದಿದ್ದ ನಾಲ್ಕನೇ ತರಗತಿ ವಿದ್ಯಾರ್ಥಿಯನ್ನು ಭೇಟಿ ಮಾಡಿದ ಆರೋಪಿ, ‘ನಿಮ್ಮ ಶಾಲೆಯಲ್ಲಿ ಕಲಿಯುತ್ತಿರುವ ನಾಲ್ಕನೇ ತರಗತಿಯ ವಿದ್ಯಾರ್ಥಿಯೊಬ್ಬ ಕಾಣೆಯಾಗಿದ್ದಾನೆ. ನನಗೆ ನಿನ್ನ ತಂದೆಯ ಪರಿಚಯವಿದೆ. ಬಾಲಕನನ್ನು ಹುಡುಕಲು ಸಹಾಯ ಮಾಡು’ ಎಂದು ಹೇಳಿ ಕರೆದುಕೊಂಡು ಹೋಗಿದ್ದ ಎಂದು ಡಿಸಿಪಿ ವಿವರಿಸಿದರು.