ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘನಗೆ ವಿಧಿಸುವ ದಂಡ ಮೊತ್ತವನ್ನು ಹೆಚ್ಚಳ ಮಾಡಿ ಸಾರಿಗೆ ಇಲಾಖೆ ಆದೇಶ ಹೊರಡಿಸಿದ್ದು, ಈಗ ದುಬಾರಿ ದಂಡ ತೆರಬೇಕಾಗಿದೆ.
ಅತಿ ವೇಗದ ವಾಹನ ಚಾಲನೆಗೆ ₹500, ಚಾಲನೆ ಸಮಯದಲ್ಲಿ ಮೊಬೈಲ್ ಬಳಕೆ, ಅಜಾಗರೂಕ ಚಾಲನೆಗೆ ಮೊದಲಿಗೆ ₹1000, ನಂತರದ ತಪ್ಪಿಗೆ ₹2000, ವಿಮೆ ಇಲ್ಲದ ವಾಹನ ಚಲಾಯಿಸಿದರೆ ₹ 1000 ದಂಡ ವಿಧಿಸಲಾಗುತ್ತದೆ.
ನೋಂದಣಿಯಾಗದ ಬೈಕ್ ಚಲಾಯಿಸಿದರೆ ಮೊದಲ ತಪ್ಪಿಗೆ ₹5 ಸಾವಿರ, ನಂತರದ ತಪ್ಪಿಗೆ 10 ಸಾವಿರ,ಫಿಟ್‌ನೆಸ್ ಪ್ರಮಾಣ ಪತ್ರ ಇಲ್ಲದ ಸಾರ್ವಜನಿಕ ವಾಹನಗಳಿಗೆ ಮೊದಲ ಬಾರಿಗೆ ₹2 ಸಾವಿರ, ನಂತರ ₹5 ಸಾವಿರ ದಂಡ ವಿಧಿಸಲು ಆದೇಶಿಸಲಾಗಿದೆ.
ಸಂಚಾರ ನಿಯಮ ಉಲ್ಲಂಘನೆ, ನಿಷೇಧಿತ ಪ್ರದೇಶದಲ್ಲಿ ವಾಹನ ನಿಲುಗಡೆ, ಅಪಾಯಕ್ಕೆ ಆಹ್ವಾನ ನೀಡುವಂತೆ ವಾಹನ ನಿಲುಗಡೆ ಮಾಡಿದರೆ ₹1000 ದಂಡ ಪಾವತಿಸಬೇಕಿದೆ.
