ಪರ ಪುರುಷನೊಂದಿಗೆ ವಾಸವಿದ್ದ ಕಾರಣಕ್ಕೆ ಪತ್ನಿ ಕೊಂದು ಮಗುವಿಗೆ ಚಾಕು ಇರಿತ

ಬೆಂಗಳೂರು: ಪರ ಪುರುಷನ ಜೊತೆ ವಾಸವಿದ್ದರೆಂಬ ಕಾರಣಕ್ಕೆ ಪತ್ನಿಯನ್ನು ಕೊಂದು ಎರಡು ವರ್ಷದ ಮಗುವಿಗೆ ಚಾಕುವಿನಿಂದ ಇರಿದಿರುವ ಆರೋಪದಡಿ ಶೇಖ್ ಸುಹೇಲ್ (38) ಎಂಬಾತನನ್ಬನು ಹೆಣ್ಣೂರು ಠಾಣೆ ಪೊಲೀಸರು ಬಂಧಿಸಿದ್ದಾರೆ.

. ‘ಸ್ಥಳೀಯ ಸಾರಾಯಿ ಪಾಳ್ಯದ ಮನೆಯಲ್ಲಿ ತಬ್ಸೇನಾ ಬೇಬಿ (32) ಅವರನ್ನು ಸೋಮವಾರ ರಾತ್ರಿ ಚಾಕುವಿನಿಂದ ಇರಿದು ಕೊಲೆ ಮಾಡಲಾಗಿದೆ. ಅವರ ಮಗು ನಯೀಮ್ ಬೆನ್ನಿಗೆ ಚಾಕುವಿನಿಂದ ಇರಿಯಲಾಗಿದೆ. ತಬ್ಸೇನಾ ತಂಗಿ ನೀಡಿರುವ ದೂರು ಆಧರಿಸಿ, ಪತಿ ಶೇಖ್ ಸುಹೇಲ್ನನ್ನು ಬಂಧಿಸಲಾಗಿದೆ’ ಎಂದು ಪೊಲೀಸರು ಹೇಳಿದರು.

. 14 ವರ್ಷಗಳ ಹಿಂದೆ ಮದುವೆ: ‘ಪಶ್ಚಿಮ ಬಂಗಾಳದ ಸುಹೇಲ್ ಹಾಗೂ ತಬ್ಸೇನಾ 14 ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಕೆಲಸ ಹುಡುಕಿಕೊಂಡು 2013ರಲ್ಲಿ ಬೆಂಗಳೂರಿಗೆ ಬಂದಿದ್ದರು. ಕೆ.ಜಿ. ಹಳ್ಳಿಯಲ್ಲಿ ವಾಸವಿದ್ದರು. ಸುಹೇಲ್, ಟೈಲರ್ ಆಗಿದ್ದ. ತಬ್ಸೇನಾ, ಮನೆ ಕೆಲಸಕ್ಕೆ ಹೋಗಿ ಬರುತ್ತಿದ್ದರು’ ಎಂದು ಪೊಲೀಸರು ತಿಳಿಸಿದರು.

. ‘ಮದ್ಯವ್ಯಸನಿ ಆಗಿದ್ದ ಸುಹೇಲ್, ಪತ್ನಿ ಜೊತೆ ನಿತ್ಯವೂ ಜಗಳ ಮಾಡುತ್ತಿದ್ದ. ಬೇಸತ್ತ ತಬ್ಸೇನಾ, ತವರು ಮನೆಗೆ ಹೋಗುವುದಾಗಿ ಹೇಳಿದ್ದರು. ಸಿಟ್ಟಾಗಿದ್ದ ಸುಹೇಲ್, ತಾನೇ ಮನೆ ತೊರೆದು ವಾಪಸು ಪಶ್ಚಿಮ ಬಂಗಾಳಕ್ಕೆ ಹೋಗಿದ್ದ. ನಂತರ, ಮಗು ಜೊತೆ ತಬ್ಸೇನಾ ಪ್ರತ್ಯೇಕವಾಗಿ ವಾಸವಿದ್ದರು’ ಎಂದು ಹೇಳಿದರು.

. ತಂಗಿ ಎದುರು ತಬ್ಸೇನಾ ಕೊಲೆ: ‘ಕೆ.ಜಿ. ಹಳ್ಳಿಯ ಯುವಕರೊಬ್ಬರ ಜೊತೆ ಸಲುಗೆ ಬೆಳೆಸಿಕೊಂಡಿದ್ದ ತಬ್ಸೇನಾ, ಅವರ ಜೊತೆಯೇ ಮನೆ ಮಾಡಿಕೊಂಡು ವಾಸವಿದ್ದರು. ಈ ಸಂಗತಿ ತವರು ಮನೆಯವರಿಗೂ ಗೊತ್ತಿತ್ತು. ಹೈದರಾಬಾದ್ನಲ್ಲಿದ್ದ ತಂಗಿ ಇತ್ತೀಚೆಗೆ ಮನೆಗೆ ಬಂದು ಉಳಿದುಕೊಂಡಿದ್ದರು’ ಎಂದು ಪೊಲೀಸರು ತಿಳಿಸಿದರು.

. ‘ಸೋಮವಾರ ನಗರಕ್ಕೆ ಬಂದಿದ್ದ ಸುಹೇಲ್, ಪತ್ನಿಗೆ ಕರೆ ಮಾಡಿದ್ದ. ವಿಳಾಸ ತಿಳಿದುಕೊಂಡು ರಾತ್ರಿ ಮನೆಗೆ ಬಂದಿದ್ದ. ಪರ ಪುರುಷನ ಜೊತೆಗಿರುವುದನ್ನು ನೋಡಿ ಜಗಳ ತೆಗೆದಿದ್ದ. ನಂತರ, ತಂಗಿ ಎದುರೇ ಚಾಕುವಿನಿಂದ ಇರಿದು ತಬ್ಸೇನಾ ಅವರನ್ನು ಕೊಲೆ ಮಾಡಿದ್ದ. ಬಳಿಕ, ಮಗುವಿಗೂ ಚಾಕುವಿನಿಂದ ಇರಿದು ಪರಾರಿಯಾಗಿದ್ದ.’

. ’ಮಗುವನ್ನು ಸಂಬಂಧಿಕರೇ ಆಸ್ಪತ್ರೆಗೆ ದಾಖಲಿಸಿದ್ದು, ಆರೋಗ್ಯದಲ್ಲಿ ಚೇತರಿಕೆ ಕಂಡುಬಂದಿದೆ. ಘಟನೆ ಬಗ್ಗೆ ತಬ್ಸೇನಾ ತಂಗಿ ದೂರು ನೀಡುತ್ತಿದ್ದಂತೆ ಆರೋಪಿಯನ್ನು ಸೆರೆ ಹಿಡಿಯಲಾಗಿದೆ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪರ ಪುರುಷನೊಂದಿಗೆ ವಾಸವಿದ್ದ ಕಾರಣಕ್ಕೆ ಪತ್ನಿ ಕೊಂದು ಮಗುವಿಗೆ ಚಾಕು ಇರಿತ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ