<p><strong>ಬೆಂಗಳೂರು: </strong>ಈಗಾಗಲೇ ಆರ್ಥಿಕ ನಷ್ಟ ಎದುರಿಸುತ್ತಿರುವ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಎರಡು ವರ್ಷಗಳಲ್ಲಿ ಒಟ್ಟು 8 ಕಾರುಗಳನ್ನು ಖರೀದಿಸಿದೆ. ಇದಕ್ಕಾಗಿ ಬಿಡಿಎ ಮಾಡಿರುವ ಒಟ್ಟು ವೆಚ್ಚ ₹ 95.77 ಲಕ್ಷ!<br /> <br /> ಸಾಯಿದತ್ತ ಎಂಬವರು 2014ರಿಂದ 2016 ಜುಲೈವರೆಗೆ ಬಿಡಿಎ ಎಷ್ಟು ಕಾರುಗಳನ್ನು ಖರೀದಿಸಿದೆ ಎಂಬ ಬಗ್ಗೆ ಮಾಹಿತಿ ಹಕ್ಕಿನಡಿ ವಿವರಗಳನ್ನು ಕೇಳಿದ್ದರು. ಇದಕ್ಕೆ ಉತ್ತರಿಸಿರುವ ಬಿಡಿಎ, ಎರಡು ವರ್ಷಗಳಲ್ಲಿ ₹ 24.44 ಲಕ್ಷ ಬೆಲೆಯ ಇನೋವಾ ಕ್ರಿಸ್ಟ ಕಾರು ಸಹಿತ ಒಟ್ಟು 8 ಹೊಸ ಕಾರುಗಳನ್ನು ಖರೀದಿಸಲಾಗಿದೆ ಎಂದು ತಿಳಿಸಿದೆ.<br /> <br /> ಬಿಡಿಎಗೆ ನಗರಾಭಿವೃದ್ಧಿ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯವರೇ ಅಧ್ಯಕ್ಷರಾಗಿರುತ್ತಾರೆ. ಅವರು ಬಿಡಿಎ ಕಚೇರಿಗೆ ಭೇಟಿ ನೀಡುವುದು ಅಪರೂಪಕ್ಕೊಮ್ಮೆ. ಅವರ ಬಳಿ ಸರ್ಕಾರಿ ಕಾರು ಇರುತ್ತದೆ. ಆದರೂ, ಬಿಡಿಎ ವತಿಯಿಂದ ₹ 24.44 ಲಕ್ಷ ಮೌಲ್ಯದ ಇನೊವ ಕ್ರಿಸ್ಟ ಕಾರನ್ನು ಖರೀದಿಸಲಾಗಿದೆ.<br /> <br /> ಜಿ–ಕೆಟಗರಿ ನಿವೇಶನದ ಹಂಚಿಕೆ ಹಗರಣದ ವಿಚಾರಣೆ ನಡೆಸುತ್ತಿರುವ ನ್ಯಾಯಮೂರ್ತಿ ಫಾರೂಕ್ ಸಮಿತಿ ಸಲುವಾಗಿ ಮೂರು ಟೊಯೋಟಾ ಇಟಿಯೋಸ್ ಕಾರುಗಳನ್ನು ಖರೀದಿಸಲಾಗಿದೆ. ಈ ಮೂರು ಕಾರುಗಳ ಒಟ್ಟು ಬೆಲೆ ₹ 26.82.<br /> <br /> ‘ಬೆಂಗಳೂರು ನಗರಾಭಿವೃದ್ಧಿ ಸಚಿವರ ಸಚಿವಾಲಯಕ್ಕಾಗಿ ₹ 18.93 ಲಕ್ಷ ಮೌಲ್ಯದ ಇನೊವಾ ಕಾರನ್ನು ಖರೀದಿಸಲಾಗಿದೆ. ಸಚಿವರಿಗೆ ಪ್ರತ್ಯೇಕ ಸರ್ಕಾರಿ ಕಾರನ್ನು ಒದಗಿಸಲಾಗಿರುತ್ತದೆ. ಅಧಿಕಾರಿಗಳಿಗೆ ಈಗಾಗಲೇ ಕಾರುಗಳನ್ನು ಒದಗಿಸಲಾಗಿದೆ. ಹಾಗಿರುವಾಗ ಈ ಕಾರಿನ ಅವಶ್ಯಕತೆ ಇತ್ತೇ’ ಎಂದು ಪ್ರಶ್ನಿಸುತ್ತಾರೆ ಅವರು.<br /> <br /> ‘ಮುಖ್ಯಮಂತ್ರಿ ಕಚೇರಿಗೆ ಓಡಾಟ ಮಾಡುವ ಸಲುವಾಗಿ ₹ 7.23 ಲಕ್ಷ ಮೌಲ್ಯದ ಸ್ವಿಫ್ಟ್ ಡಿಸೈರ್ ಕಾರನ್ನು ಖರೀದಿಸಲಾಗಿದೆ. ಇದನ್ನು ಯಾವುದಕ್ಕೆ ಬಳಸಲಾಗುತ್ತದೆ ಎಂದು ಗೊತ್ತಾಗುತ್ತಿಲ್ಲ’ ಎಂದರು. ‘ಇಷ್ಟೊಂದು ಕಾರು ಖರೀದಿಸಿದ ಬಳಿಕವಾದರೂ ಸಾರ್ವಜನಿಕರಿಗೆ ಆಗಿರುವ ಪ್ರಯೋಜನವಾದರೂ ಏನು’ ಎಂದು ಅವರು ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಈಗಾಗಲೇ ಆರ್ಥಿಕ ನಷ್ಟ ಎದುರಿಸುತ್ತಿರುವ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಎರಡು ವರ್ಷಗಳಲ್ಲಿ ಒಟ್ಟು 8 ಕಾರುಗಳನ್ನು ಖರೀದಿಸಿದೆ. ಇದಕ್ಕಾಗಿ ಬಿಡಿಎ ಮಾಡಿರುವ ಒಟ್ಟು ವೆಚ್ಚ ₹ 95.77 ಲಕ್ಷ!<br /> <br /> ಸಾಯಿದತ್ತ ಎಂಬವರು 2014ರಿಂದ 2016 ಜುಲೈವರೆಗೆ ಬಿಡಿಎ ಎಷ್ಟು ಕಾರುಗಳನ್ನು ಖರೀದಿಸಿದೆ ಎಂಬ ಬಗ್ಗೆ ಮಾಹಿತಿ ಹಕ್ಕಿನಡಿ ವಿವರಗಳನ್ನು ಕೇಳಿದ್ದರು. ಇದಕ್ಕೆ ಉತ್ತರಿಸಿರುವ ಬಿಡಿಎ, ಎರಡು ವರ್ಷಗಳಲ್ಲಿ ₹ 24.44 ಲಕ್ಷ ಬೆಲೆಯ ಇನೋವಾ ಕ್ರಿಸ್ಟ ಕಾರು ಸಹಿತ ಒಟ್ಟು 8 ಹೊಸ ಕಾರುಗಳನ್ನು ಖರೀದಿಸಲಾಗಿದೆ ಎಂದು ತಿಳಿಸಿದೆ.<br /> <br /> ಬಿಡಿಎಗೆ ನಗರಾಭಿವೃದ್ಧಿ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯವರೇ ಅಧ್ಯಕ್ಷರಾಗಿರುತ್ತಾರೆ. ಅವರು ಬಿಡಿಎ ಕಚೇರಿಗೆ ಭೇಟಿ ನೀಡುವುದು ಅಪರೂಪಕ್ಕೊಮ್ಮೆ. ಅವರ ಬಳಿ ಸರ್ಕಾರಿ ಕಾರು ಇರುತ್ತದೆ. ಆದರೂ, ಬಿಡಿಎ ವತಿಯಿಂದ ₹ 24.44 ಲಕ್ಷ ಮೌಲ್ಯದ ಇನೊವ ಕ್ರಿಸ್ಟ ಕಾರನ್ನು ಖರೀದಿಸಲಾಗಿದೆ.<br /> <br /> ಜಿ–ಕೆಟಗರಿ ನಿವೇಶನದ ಹಂಚಿಕೆ ಹಗರಣದ ವಿಚಾರಣೆ ನಡೆಸುತ್ತಿರುವ ನ್ಯಾಯಮೂರ್ತಿ ಫಾರೂಕ್ ಸಮಿತಿ ಸಲುವಾಗಿ ಮೂರು ಟೊಯೋಟಾ ಇಟಿಯೋಸ್ ಕಾರುಗಳನ್ನು ಖರೀದಿಸಲಾಗಿದೆ. ಈ ಮೂರು ಕಾರುಗಳ ಒಟ್ಟು ಬೆಲೆ ₹ 26.82.<br /> <br /> ‘ಬೆಂಗಳೂರು ನಗರಾಭಿವೃದ್ಧಿ ಸಚಿವರ ಸಚಿವಾಲಯಕ್ಕಾಗಿ ₹ 18.93 ಲಕ್ಷ ಮೌಲ್ಯದ ಇನೊವಾ ಕಾರನ್ನು ಖರೀದಿಸಲಾಗಿದೆ. ಸಚಿವರಿಗೆ ಪ್ರತ್ಯೇಕ ಸರ್ಕಾರಿ ಕಾರನ್ನು ಒದಗಿಸಲಾಗಿರುತ್ತದೆ. ಅಧಿಕಾರಿಗಳಿಗೆ ಈಗಾಗಲೇ ಕಾರುಗಳನ್ನು ಒದಗಿಸಲಾಗಿದೆ. ಹಾಗಿರುವಾಗ ಈ ಕಾರಿನ ಅವಶ್ಯಕತೆ ಇತ್ತೇ’ ಎಂದು ಪ್ರಶ್ನಿಸುತ್ತಾರೆ ಅವರು.<br /> <br /> ‘ಮುಖ್ಯಮಂತ್ರಿ ಕಚೇರಿಗೆ ಓಡಾಟ ಮಾಡುವ ಸಲುವಾಗಿ ₹ 7.23 ಲಕ್ಷ ಮೌಲ್ಯದ ಸ್ವಿಫ್ಟ್ ಡಿಸೈರ್ ಕಾರನ್ನು ಖರೀದಿಸಲಾಗಿದೆ. ಇದನ್ನು ಯಾವುದಕ್ಕೆ ಬಳಸಲಾಗುತ್ತದೆ ಎಂದು ಗೊತ್ತಾಗುತ್ತಿಲ್ಲ’ ಎಂದರು. ‘ಇಷ್ಟೊಂದು ಕಾರು ಖರೀದಿಸಿದ ಬಳಿಕವಾದರೂ ಸಾರ್ವಜನಿಕರಿಗೆ ಆಗಿರುವ ಪ್ರಯೋಜನವಾದರೂ ಏನು’ ಎಂದು ಅವರು ಪ್ರಶ್ನಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
