'ಎಂಟು ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ ಶೇಕಡ 50ರಷ್ಟು ಸೀಟುಗಳನ್ನು ಅಖಿಲ ಭಾರತ ಕೋಟಾದಡಿ, ಶೇಕಡ 50ರಷ್ಟು ಸೀಟುಗಳನ್ನು ರಾಜ್ಯ ಕೋಟಾದಲ್ಲಿ ರಾಜ್ಯದ ವಿದ್ಯಾರ್ಥಿಗಳಿಗೆ ಮೀಸಲಿಡಲಾಗಿದೆ. 35 ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ ಶೇ 33ರಷ್ಟು ಸರ್ಕಾರಿ ಸೀಟುಗಳು ಹಾಗೂ 33 ರಷ್ಟು ಖಾಸಗಿ ಸೀಟುಗಳಿವೆ. ಉಳಿದ ಸೀಟುಗಳನ್ನು ಎನ್ಆರ್ಐ, ಮುಕ್ತ ಪ್ರವೇಶ, ಆಡಳಿತಮಂಡಳಿ ಕೋಟಾದಡಿ ವಿಭಾಗಿಸಲಾಗಿದೆ. ಖಾಸಗಿ ಅಲ್ಪಸಂಖ್ಯಾತ ಕಾಲೇಜುಗಳಲ್ಲಿ ಕನ್ನಡಿಗರಿಗೆ ಶೇ 29ರಷ್ಟು ಸೀಟುಗಳನ್ನು ಮಾತ್ರ ಮೀಸಲಿಡಲಾಗಿದೆ. ಆದರೆ, ಕನ್ನಡಿಗರಿಗೆ ಮೀಸಲಿರುವ ಸರ್ಕಾರಿ ಸೀಟುಗಳು ತಮಗೇ ಬೇಕು ಎಂಬುದು ಯಾವ ನ್ಯಾಯ’ ಎಂದು ಪ್ರಶ್ನಿಸಿದರು.