ವಿಶ್ವೇಶ್ವರಯ್ಯ ಗುಣ ಅನುಕರಿಸಿ

ಬೆಂಗಳೂರು: `ಭಾರತ ರತ್ನ ಸರ್ ಎಂ.ವಿಶ್ವೇಶ್ವರಯ್ಯ ಅವರ ಕೆಲವು ಗುಣಗಳನ್ನಾದರೂ ಎಲ್ಲರೂ ಅಳವಡಿಸಿಕೊಳ್ಳಬೇಕು. ಆಗ ಯಾವುದೇ ಕಾರ್ಯವನ್ನು ಮಾಡುವುದು ಕಷ್ಟ ಎನಿಸುವುದಿಲ್ಲ~ ಎಂದು ಭಾರತೀಯ ವಿದ್ಯಾಭವನದ ಕಾರ್ಯನಿರ್ವಾಹಕ ನಿರ್ದೇಶಕ ಡಾ. ಮತ್ತೂರು ಕೃಷ್ಣಮೂರ್ತಿ ತಿಳಿಸಿದರು.

ವಿಶ್ವೇಶ್ವರಯ್ಯನವರ 151ನೇ ಜಯಂತಿ ಪ್ರಯುಕ್ತ ಕರ್ನಾಟಕ ವಿದ್ಯುತ್ ನಿಗಮದ ಪದವೀಧರ ಎಂಜಿನಿಯರ್ಗಳ ಸಂಘ, ಮೆಕಾನಿಕಲ್ ಎಂಜಿನಿಯರ್ಗಳ ಸಂಘ ಹಾಗೂ ಡಿಪ್ಲೊಮಾ ಎಂಜಿನಿಯರ್ಗಳ ಸಂಘ ಸಂಯುಕ್ತವಾಗಿ ನಗರದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ `ಎಂಜಿನಿಯರ್ಗಳ ದಿನಾಚರಣೆ~ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

`ವಿಶ್ವೇಶ್ವರಯ್ಯ ಕೇವಲ ಎಂಜಿನಿಯರ್ಗಳಿಗಷ್ಟೇ ಮಾದರಿಯಾಗಿಲ್ಲ. ಅವರ ಅನೇಕ ಗುಣಗಳು ಅನುಕರಣೀಯ. ಬ್ರಿಟಿಷರ ಆಳ್ವಿಕೆಯಲ್ಲಿ ಭಾರತೀಯರು ಯಾರಿಗಿಂತಲೂ ಕಡಿಮೆ ಇಲ್ಲ ಎನ್ನುವುದನ್ನು ತೋರಿಸಿಕೊಟ್ಟರು. ಅಂತಹ ಮಹನೀಯರ ಜೀವನ ಚರಿತ್ರೆಯನ್ನು ಪ್ರತಿಯೊಬ್ಬರೂ ಓದಬೇಕಿದೆ. ಅವರ ಗುಣಗಳು ನಮ್ಮನ್ನು ದೊಡ್ಡವರನ್ನಾಗಿಸುತ್ತವೆ~ ಎಂದರು.

`ಸೂರ್ಯ ಚಂದ್ರರು ಇರುವವರೆಗೂ ಭಾರತೀಯ ಮಹಾಕಾವ್ಯಗಳಾದ ರಾಮಾಯಣ, ಮಹಾಭಾರತ ಶಾಶ್ವತವಾಗಿರುತ್ತವೆ. ಅದೇ ರೀತಿ ವಿಶ್ವೇಶ್ವರಯ್ಯನವರ ವ್ಯಕ್ತಿತ್ವ ಕೂಡ ಶಾಶ್ವತವಾದುದು. ಸಮಯಪಾಲನೆ, ಶೀಲ, ಚಾರಿತ್ರ್ಯ, ಸತ್ಯ ನಿಷ್ಠೆ, ಸಂಯಮ, ಯೋಗ ಮುಂತಾದ 12 ಮಹತ್ವದ ಗುಣಗಳನ್ನು ಹೊಂದಿದ್ದರು~ ಎಂದರು.

ಕೆಪಿಸಿಎಲ್ ವ್ಯವಸ್ಥಾಪಕ ನಿರ್ದೇಶಕ ಯೋಗೇಂದ್ರ ತ್ರಿಪಾಠಿ, `ಎಲ್ಲಾ ಸಂದರ್ಭಗಳು ಎಂಜಿನಿಯರ್ಗಳು ಕನ್ಸಲ್ಟೆಂಟ್ಗಳ ಮೊರೆ ಹೋಗುವುದು ಸೂಕ್ತವಲ್ಲ. ಯೋಜನೆಯನ್ನು ಕನ್ಸಲ್ಟೆನ್ಸಿಗೆ ಯಾಕೆ ಒಪ್ಪಿಸಬೇಕು ಎನ್ನುವುದನ್ನಾದರೂ ಕನಿಷ್ಠ ಅರಿತಿರಬೇಕು. ಇಲ್ಲದೇ ಹೋದರೆ ಅವರು ತಂತ್ರಜ್ಞರು ಎನ್ನಿಸಿಕೊಳ್ಳುವುದಿಲ್ಲ. ಯೋಜನೆ ವಹಿಸಿದರೂ ಅದರ ಜವಾಬ್ದಾರಿ ಎಂಜಿನಿಯರ್ಗಳ ಮೇಲೆ ಇದ್ದು ಆ ಹೊಣೆ ಹೊರುವುದು ಗೊತ್ತಿರಬೇಕು~ ಎಂದರು.

`ವಿಶ್ವೇಶ್ವರಯ್ಯ ಆರ್ಥಿಕ ಹಾಗೂ ಕೈಗಾರಿಕೆಗಳ ಬೆಳವಣಿಗೆಗೆ ಪ್ರೋತ್ಸಾಹ ನೀಡಿ ಅಂದಿನ ಕಾಲದಲ್ಲಿಯೇ ರಾಜ್ಯವನ್ನು ಮುಂಚೂಣಿಗೆ ತಂದರು. ನಾವು ನಿರ್ವಹಿಸುವ ಕರ್ತವ್ಯ ಕೇವಲ ನಮಗಷ್ಟೇ ಸೀಮಿತವಾಗಿರುವುದಿಲ್ಲ. ಅದರಿಂದ ಒಂದು ಸಂಸ್ಥೆ, ರಾಜ್ಯ ಹಾಗೂ ಇಡೀ ವ್ಯವಸ್ಥೆಗೆ ಉಪಯೋಗವಾಗುತ್ತದೆ ಎಂಬುದನ್ನು ಅರಿಯಬೇಕು~ ಎಂದು ತಿಳಿಸಿದರು.

ನಿಗಮದ ತಾಂತ್ರಿಕ ನಿರ್ದೇಶಕ ನಾರಾಯಣ ಪ್ರಸಾದ್, `ವಿಶ್ವೇಶ್ವರಯ್ಯ ಅವರ ದೂರದರ್ಶಿತ್ವದಿಂದ ನಿಗಮ ಪ್ರೇರಿತವಾಗಿದೆ. ಸಂವಹನ ಸಾಧನಗಳೇ ಇಲ್ಲದ ಕಾಲದಲ್ಲಿಯೂ ಉತ್ತಮ ಯೋಜನೆಗಳನ್ನು ರೂಪಿಸಲಾಗಿದೆ. ಅಂತಹ ಯೋಜನೆಗಳು ಕಿರಿಯರು ಅರಿಯಬೇಕಿದೆ~ ಎಂದು ಅಭಿಪ್ರಾಯಟ್ಟರು.

`ಕೆಲವರು ಯೋಜನೆಗಳ ಬಗ್ಗೆ ತಿಳಿಯದೆ ಅಥವಾ ಅಪಾಯದ ಭೀತಿಯಿಂದ ಕನ್ಸಲ್ಟೆನ್ಸಿ ಮೊರೆ ಹೋಗುತ್ತಾರೆ. ಕೈಗೆಟಕುವ ಯೋಜನೆಗಳನ್ನು ಎಂಜಿನಿಯರ್ಗಳೇ ನಿರ್ವಹಿಸಬೇಕು. ದೂರದೃಷ್ಟಿಯ ಎಂಜಿನಿಯರ್ಗಳಿಂದ ಇದು ಕಷ್ಟದ ಕೆಲಸವಲ್ಲ~ ಎಂದರು.

ಭಾರತೀಯ ವಿಜ್ಞಾನ ಸಂಸ್ಥೆಯ ಸಿವಿಲ್ ಎಂಜಿನಿಯರಿಂಗ್ ವಿಭಾಗದ ನಿವೃತ್ತ ಪ್ರಾಧ್ಯಾಪಕ ಡಾ. ಬಿ.ಆರ್.ಶ್ರೀನಿವಾಸಮೂರ್ತಿ `ನಿರ್ಮಾಣ ಉದ್ಯಮದಲ್ಲಿ ಹೊಸ ಪರಿಕಲ್ಪನೆ ಹಾಗೂ ತಂತ್ರಜ್ಞಾನ~ ವಿಷಯ ಕುರಿತು ಉಪನ್ಯಾಸ ನೀಡಿದರು. ಪದವೀಧರ ಎಂಜಿನಿಯರ್ಗಳ ಸಂಘದ ಕೇಂದ್ರೀಯ ಸಮಿತಿ ಅಧ್ಯಕ್ಷ ಶಿವಮಲ್ಲು, ಸಂಘದ ಅಧ್ಯಕ್ಷ ಪ್ರಕಾಶ್ ಸಿ.ಬೇವೂರು ಇತರರು ಉಪಸ್ಥಿತರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವೇಶ್ವರಯ್ಯ ಗುಣ ಅನುಕರಿಸಿ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ