ಹುಮನಾಬಾದ್: ತಾಲ್ಲೂಕಿನ ಹುಡಗಿ ಗ್ರಾಮದಲ್ಲಿ ಗುರುವಾರ ರಾತ್ರಿ ಎರಡು ಕಡೆಗಳಲ್ಲಿ ಕಳ್ಳತನ ನಡೆದಿವೆ. ಹುಡಗಿ ಗ್ರಾಮದ ಬಸವತೀರ್ಥ ಬಡಾವಣೆಯ ನಿವಾಸಿ ಬಸವರಾಜ ಕಂಟೆಪ್ಪಗೋಳ್ ಅವರ ಮನೆಯಲ್ಲಿದ್ದ ಅಲಮಾರಿ ಬೀಗ ಒಡೆದು ಕಳ್ಳರು 6 ಗ್ರಾಂ ಚಿನ್ನ 8 ಸಾವಿರ ನಗದು ಕಳ್ಳತನ ಮಾಡಿದ್ದಾರೆ.
ಅದೇ ರಾತ್ರಿ ಬಸವತೀರ್ಥ ಬಡಾವಣೆಯ ಎದುರು ಮನೆಯ ಶಿವಕುಮರ್ ವಾಡೇಕರ್ ಅವರ ಮನೆಯಲ್ಲಿದ್ದ ₹12 ಸಾವಿರ ನಗದು ಹಣ ಕದ್ದೊಯ್ದಿದ್ದಾರೆ. ಈ ಕುರಿತು ಹುಮನಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಆತಂಕ: ಒಂದೇ ದಿನ ಎರಡು ಮನೆಗಳಲ್ಲಿ ಕಳ್ಳತನ ಆಗಿದ್ದರಿಂದ ಗ್ರಾಮಸ್ಥರು ಭಯಭೀತರಾಗಿದ್ದಾರೆ. ಪೊಲೀಸರು ರಾತ್ರಿ ಗಸ್ತು ಬಲಪಡಿಸಬೇಕು ಎಂದು ಗ್ರಾಮಸ್ಥರಾದ ಶಶಿಕುಮಾರ್ ಮಾಶೆಟ್ಟಿ, ಬಸವರಾಜ, ಶಿವಕುಮಾರ್ ಆಗ್ರಹಿಸುತ್ತಾರೆ.
