ಬೀದರ್‌ ಗಡಿಭಾಗದ ಮಹಾರಾಷ್ಟ್ರದಲ್ಲಿ ಭೂಕಂಪನ

ಬೀದರ್‌: ಜಿಲ್ಲೆಯ ಗಡಿಭಾಗದ ಮಹಾರಾಷ್ಟ್ರದ ಹಿಂಗೋಳಿಯಲ್ಲಿ ಗುರುವಾರ ಬೆಳಿಗ್ಗೆ ಭೂಕಂಪನವಾಗಿದೆ.

ಬೆಳಿಗ್ಗೆ 6.08ಕ್ಕೆ 4.5 ತೀವ್ರತೆ, ಬೆಳಿಗ್ಗೆ 6.18ಕ್ಕೆ 3.6 ತೀವ್ರತೆಯ ಭೂಕಂಪನವಾಗಿರುವುದು ರಿಕ್ಟರ್‌ ಮಾಪಕದಲ್ಲಿ ದಾಖಲಾಗಿದೆ. ‘ಜಿಲ್ಲೆಯಲ್ಲಿ ಭೂಮಿ ಕಂಪಿಸಿರುವ ಅನುಭವ ಕೆಲವರಿಗಾಗಿದೆ. ಈ ಕುರಿತು ಅವರು ಕರೆ ಮಾಡಿ ವಿಚಾರಿಸಿದ್ದಾರೆ. ಆದರೆ, ಮಹಾರಾಷ್ಟ್ರದ ಹಿಂಗೋಳಿಯಲ್ಲಿ ಭೂಕಂಪನವಾಗಿದೆ’ ಎಂದು ಜಿಲ್ಲಾಧಿಕಾರಿ ಗೋವಿಂದ ರೆಡ್ಡಿ ಸ್ಪಷ್ಟಪಡಿಸಿದ್ದಾರೆ.