ಬೀದರ್: ಜಿಲ್ಲೆಯ ಬಹುತೇಕ ಕಡೆಗಳಲ್ಲಿ ಮಂಗಳವಾರವೂ ಮಳೆ ಮುಂದುವರೆದಿದ್ದು, ನಸುಕಿನ ಜಾವ ಉತ್ತಮ ವರ್ಷಧಾರೆಯಾಗಿದೆ.
ಭಾಲ್ಕಿ ತಾಲ್ಲೂಕಿನ ಸಾಯಗಾಂವ್ ಹಾಗೂ ಖಟಕಚಿಂಚೋಳಿ ಹೋಬಳಿಗಳಲ್ಲಿ ಅತಿ ಹೆಚ್ಚು ಮಳೆಯಾಗಿದೆ. 5.8 ಸೆಂ.ಮೀ ವರ್ಷಧಾರೆಯಾಗಿದ್ದು, ಮುಂಗಾರು ಆಗಮನದ ನಂತರ ಅತಿ ಹೆಚ್ಚಿನ ಮಳೆಯಾಗಿರುವುದು ಇದೇ ಮೊದಲು.
ಕಮಲನಗರ ಹೋಬಳಿಯಲ್ಲಿ 4.4 ಸೆಂ.ಮೀ, ಬಸವಕಲ್ಯಾಣದಲ್ಲಿ 3.8 ಸೆಂ.ಮೀ ಆಗಿದೆ. ಜಿಲ್ಲೆಯಾದ್ಯಂತ ಒಟ್ಟು 2.3 ಸೆಂ.ಮೀ ಮಳೆ ಸುರಿದಿದೆ.
ಸೋಮವಾರ ರಾತ್ರಿ ಗುಡುಗು ಸಹಿತ ತುಂತುರು ಮಳೆ ಶುರುವಾಯಿತು. ತಡರಾತ್ರಿ ಶುರುವಾದ ಜಿಟಿಜಿಟಿ ಮಳೆ ನಸುಕಿನ ಜಾವದ ವರೆಗೆ ಸುರಿಯಿತು. ನಸುಕಿನ ಜಾವ ಗಂಟೆಗೂ ಹೆಚ್ಚು ಕಾಲ ಬಿರುಸಾಗಿ ಸುರಿಯಿತು.
ಮಂಗಳವಾರ ದಿನವಿಡೀ ಕಾರ್ಮೋಡ ಕವಿದಿತ್ತು. ಆದರೆ, ಮಳೆಯ ಸುಳಿವು ಇರಲಿಲ್ಲ.