ಬೀದರ್‌ | ಮುಂಗಾರು ಸಂಭ್ರಮ: ಚುರುಕು ಪಡೆದ ಬಿತ್ತನೆ

ಬೀದರ್‌ ಜಿಲ್ಲೆಯ ಬಹುತೇಕ ಕಡೆಗಳಲ್ಲಿ ಮಂಗಳವಾರ ಸಂಜೆಯಿಂದ ತಡರಾತ್ರಿವರೆಗೆ ಉತ್ತಮ ವರ್ಷಧಾರೆಯಾಗಿದೆ. ಜಿಲ್ಲೆಯಲ್ಲಿ ಒಟ್ಟು 2.9 ಸೆಂ.ಮೀ ಮಳೆ ದಾಖಲಾಗಿದೆ. ಅತಿ ಹೆಚ್ಚಿನ ಮಳೆ ಬಸವಕಲ್ಯಾಣ ತಾಲ್ಲೂಕಿನ ಕೋಹಿನೂರ್‌ ಹೋಬಳಿಯಲ್ಲಿ ವರದಿಯಾಗಿದೆ. 18 ಸೆಂ.ಮೀ ಮಳೆಯಾಗಿದೆ. ಮಂಠಾಳನಲ್ಲಿ 7.4 ಸೆಂ.ಮೀ ಮುಡಬಿಯಲ್ಲಿ 7 ಸೆಂ.ಮೀ ಬಸವಕಲ್ಯಾಣದಲ್ಲಿ 6.9 ಸೆಂ.ಮೀ ಚಿಟಗುಪ್ಪದಲ್ಲಿ 6.6 ಸೆಂ.ಮೀ ಭಾಲ್ಕಿ ತಾಲ್ಲೂಕಿನ ಸಾಯಗಾಂವ್‌ನಲ್ಲಿ 8.8 ಸೆಂ.ಮೀ ಮಳೆ ದಾಖಲಾಗಿದೆ. ಹುಮನಾಬಾದ್‌ ತಾಲ್ಲೂಕಿನ ದುಬಲಗುಂಡಿಯಲ್ಲಿ 5.2 ಸೆಂ.ಮೀ ಮಳೆ ಬಿದ್ದಿದೆ.