ಎಸ್ಸೆಸ್ಸೆಲ್ಸಿ ಪರೀಕ್ಷೆ ಫಲಿತಾಂಶ ಪ್ರಕಟವಾದಾಗ ಆದಿತ್ಯಗೆ 625 ಅಂಕಗಳ ಪೈಕಿ 622 ಅಂಕಗಳು ದೊರೆತಿದ್ದವು. ಕನ್ನಡದಲ್ಲಿ 125ಕ್ಕೆ 125, ಗಣಿತ, ಸಮಾಜ ವಿಜ್ಞಾನ, ವಿಜ್ಞಾನ ಹಾಗೂ ಹಿಂದಿಯಲ್ಲೂ ಗರಿಷ್ಠ ಅಂದರೆ ತಲಾ 100 ಅಂಕಗಳು ಲಭಿಸಿದ್ದವು. ಆದರೆ, ಇಂಗ್ಲಿಷ್ನಲ್ಲಿ ಮಾತ್ರ 97 ಅಂಕಗಳು ಬಂದಿದ್ದವು. ನಿರೀಕ್ಷೆಗಿಂತ ಕಡಿಮೆ ಅಂಕ ಬಂದ ಕಾರಣ ಆದಿತ್ಯ ಇಂಗ್ಲಿಷ್ ಉತ್ತರ ಪತ್ರಿಕೆಯ ಮರು ಮೌಲ್ಯಮಾಪನಕ್ಕೆ ಅರ್ಜಿ ಸಲ್ಲಿಸಿದ್ದ. ಮರು ಮೌಲ್ಯಮಾಪನದಲ್ಲಿ ಇಂಗ್ಲಿಷ್ನಲ್ಲಿ ಆದಿತ್ಯಗೆ 99 ಅಂಕಗಳು ದೊರಕಿವೆ. ಮರು ಮೌಲ್ಯಮಾಪನದಲ್ಲಿ ಎರಡು ಹೆಚ್ಚು ಅಂಕಗಳು ಬಂದಿರುವುದರಿಂದ ಈಗ ಆದಿತ್ಯ ರಾಜ್ಯಕ್ಕೆ ದ್ವಿತೀಯ ಸ್ಥಾನ ಪಡೆದಿದ್ದಾನೆ.