ಗುರುವಾರ , ಸೆಪ್ಟೆಂಬರ್ 16, 2021
25 °C

ಚಿಟಗುಪ್ಪ: ಮಳೆಯಿಂದ ಮೂರು ಮನೆಗಳ ಗೋಡೆ ಕುಸಿತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಚಿಟಗುಪ್ಪ: ತಾಲ್ಲೂಕಿನಲ್ಲಿ ಒಂದು ವಾರದಿಂದ ಮಳೆ ಸುರಿಯುತ್ತಿದ್ದು, ಪಟ್ಟಣ ತಾಲ್ಲೂಕಿನ ಬನ್ನಳ್ಳಿ, ವಳಖಿಂಡಿ ಗ್ರಾಮಗಳು ಸೇರಿ ಒಟ್ಟು ಮೂರು ಮನೆಗಳ ಗೋಡೆ ಗುರುವಾರ ಮಧ್ಯರಾತ್ರಿ ಕುಸಿದಿವೆ.

ಪಟ್ಟಣದ ಅಶ್ವಿನಿ ಕಾಶಿನಾಥ ಅವರ ಮನೆಯ ಒಂದು ಬದಿಯ ಗೋಡೆ ಸಂಪೂರ್ಣವಾಗಿ ಕುಸಿದಿದೆ. ಬೆಳಕೇರಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬನ್ನಳ್ಳಿ ಗ್ರಾಮದ ಹಣಮಂತರಾವ್‌ ಚನ್ನಪ್ಪ ಎಂಬುವವರ ಮನೆಯ ಮುಖ್ಯ ದ್ವಾರದ ಮೇಲಿನ ಗೋಡೆ ಜೋರಾದ ಮಳೆಗೆ ಕುಸಿದಿದೆ.

ತಾಲ್ಲೂಕಿನ ವಳಖಿಂಡಿ ಗ್ರಾಮದ ನರಸಮ್ಮ ಬಂಡೆಪ್ಪ ಅವರ ಮನೆಯ ಗೋಡೆ ಸಂಪೂರ್ಣ ಕುಸಿದಿದೆ. ಮನೆಯ ಒಳಗಡೆ ಇದ್ದವರು ಜೋರಾದ ಶಬ್ದಕ್ಕೆ ತಕ್ಷಣ ಹೊರಗಡೆ ಓಡಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ತಾಲ್ಲೂಕಿನ ನಿರ್ಣಾ, ಮುತ್ತಂಗಿ, ಚಾಂಗಲೇರಾ, ಬೇಮಳಖೇಡಾ, ಮಂಗಲಗಿ, ತಾಳಮಡಗಿ, ಕಂದಗೂಳ್‌, ಶಾಮತಾಬಾದ್‌ ಗ್ರಾಮಗಳಲ್ಲಿ ನಿತ್ಯ ಮೇಲಿಂದ ಮೇಲೆ ಮಳೆ ಸುರಿದಿದೆ.

‘ಹೊಲಗದ್ದೆಗಳಲ್ಲಿ ಬೆಳೆಯ ಮಧ್ಯೆ ಬೆಳೆದ ಕಳೆ ತೆಗೆಯಲು ರೈತರು ಕ್ರಿಮಿನಾಶಕ ಸಿಂಪರಣೆ ಮಾಡುವು ದಕ್ಕೂ ಆಗದಂತಾಗಿದೆ. ನಾಗರಿಕರು ಮನೆಗಳಿಂದ ಹೊರ ಬರದಂತಾಗಿದೆ’ ಎಂದು ಮಂಗಲಗಿ ಗ್ರಾಮದ ರುದ್ರಪ್ಪ ನಾಗನಕೇರಾ ಅವರು ತಿಳಿಸಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು