ಹೊಸ ಚಾರ್ಜಿಂಗ್ ಡಿಪೊ 11 ಸಾವಿರ ಚದರ ಅಡಿ ವಿಶಾಲವಾಗಿದ್ದು, 3.3 ಕಿಲೋ ವಾಟ್ನ 63 ಎಸಿ ಚಾರ್ಜರ್ ಮತ್ತು 15 ಕಿಲೋ ವಾಟ್ ಜಿಬಿ/ಟಿಯ ಮೂರು ಡಿಸಿ ಚಾರ್ಜರ್ಗಳನ್ನು ಹೊಂದಿದೆ. ಮುಂದಿನ ದಿನಗಳಲ್ಲಿ ಚಾರ್ಜಿಂಗ್ ಪೋರ್ಟ್ಗಳನ್ನು ಹೆಚ್ಚಿಸಲೂ ಇಲ್ಲಿ ಸ್ಥಳಾವಕಾಶವಿದೆ. ಬೆಂಗಳೂರಿನಲ್ಲಿ ಮಜೆಂಟಾ ಆರಂಭಿಸಿರುವ 23ನೇ ಚಾರ್ಜಿಂಗ್ ಡಿಪೊ ಇದಾಗಿದ್ದು, ಭಾರತದಲ್ಲಿ 35ನೇಯದ್ದಾಗಿದೆ. ಮುಂದಿನ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಇನ್ನೂ 14 ಚಾರ್ಜಿಂಗ್ ಡಿಪೊಗಳನ್ನು ಆರಂಭಿಸುವ ಗುರಿಯನ್ನು ಕಂಪನಿ ಹೊಂದಿದೆ.
