ಕೊಳ್ಳೇಗಾಲ: ತಾಲ್ಲೂಕಿನ ದಾಸನಪುರ ಗ್ರಾಮದ ಚೆಕ್ ಪೋಸ್ಟ್‌‌‌ನಲ್ಲಿ ವಾಹನ ತಪಾಸಣೆ ಮಾಡುವಾಗ ಎರಡು ವಾಹನಗಳಲ್ಲಿ ದಾಖಲೆ ಇರುವ ₹78 ಲಕ್ಷ ಇರುವುದು ಪತ್ತೆಯಾಯಿತು.
ಪರಿಶೀಲನೆ ಮಾಡುವಾಗ ಎಸ್‌‌‌ಬಿಐ ಬ್ಯಾಂಕ್ ಒಂದು ಕಾರಿನಲ್ಲಿ ₹13 ಲಕ್ಷವನ್ನು ಕೊಳ್ಳೇಗಾಲದ ಶಾಖೆಯಿಂದ ತೆಗೆದುಕೊಂಡು ಕಾವೇರಿಪುರ ಗ್ರಾಮದ ಬ್ಯಾಂಕಿಗೆ ತೆಗೆದುಕೊಂಡು ಹೋಗುತ್ತಿದ್ದೇವೆ ಎಂದು ಮಾಹಿತಿ ನೀಡಿದರು. ದಾಖಲೆ ಪರಿಶೀಲಿಸಿದ ತಹಶೀಲ್ದಾರ್ ಮಂಜುಳಾ ಹಾಗೂ ಅಧಿಕಾರಿಗಳು ಕಾರನ್ನು ಬಿಟ್ಟು ಕಳುಹಿಸಿದರು.
ಇದಾದ ಬಳಿಕ ಮತ್ತೊಂದು ಕಾರಿನಲ್ಲಿ ಎಟಿಎಂಗಳಿಗೆ ಹಣ ಹಾಕಬೇಕು ಎಂದು ₹30 ಮತ್ತು ₹35 ಲಕ್ಷ ನಗದನ್ನು ಎರಡು ಪೆಟ್ಟಿಗೆಯಲ್ಲಿ ತೆಗೆದುಕೊಂಡು ಹೋಗುತ್ತಿದ್ದರು. ಇದಕ್ಕೂ ಸೂಕ್ತ ದಾಖಲೆ ನೀಡಿದ ನಂತರ ಅಧಿಕಾರಿಗಳು ಬಿಟ್ಟು ಕಳುಹಿಸಿದರು.
