ಗೋವಾ ಲಾಟರಿ ಟಿಕೆಟ್ ಮಾರಾಟ: ಇಬ್ಬರ ಬಂಧನ

ಮಹದೇಶ್ವರ ಬೆಟ್ಟ: ಗೋವಾ ರಾಜ್ಯದ ಲಾಟರಿ ಟಿಕೆಟ್‌ಗಳನ್ನು ತಂಬಡಿಗೇರಿ ಗ್ರಾಮದಲ್ಲಿ ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ಮಹದೇಶ್ವರ ಬೆಟ್ಟ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ಕೀರನಹೊಲದ ನಿವಾಸಿ ಶೇಷಣ್ಣಯ್ಯ ಹಾಗೂ ಹುಚ್ಚಯ್ಯ ಬಂಧಿತರು. ಇವರಿಬ್ಬರೂ ತಂಬಡಿಗೇರಿಯ ಮಾರಮ್ಮನ ದೇವಾಲಯದ ಬಳಿ ಗೋವಾ ರಾಜ್ಯದ 6 ಮಾದರಿ ಲಾಟರಿಯನ್ನು ₹ 40 ರಿಂದ ₹ 70ಕ್ಕೆ ಸ್ಥಳೀಯರಿಗೆ ಮಾರಾಟ ಮಾಡುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ  ಆಧರಿಸಿ ಇನ್‌ಸ್ಪೆಕ್ಟರ್ ರಮೇಶ್ ಹಾಗೂ ಕಾನ್‌ಸ್ಟೆಬಲ್ ವಿಶ್ವರಾಜ್ ಮತ್ತು ಪ್ರಭು ಆರೋಪಿಗಳನ್ನು ಬಂಧಿಸಿ ಅವರ ಬಳಿ ಇದ್ದ 48 ಲಾಟರಿಗಳನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿ, ಬಳಿಕ ಠಾಣಾ ಜಾಮೀನಿನ ಮೇಲೆ ಬಿಡುಗಡೆ ಮಾಡಿದ್ದಾರೆ.