ಖಾಸಗಿ ಬಸ್ ಪ್ರಯಾಣ ದರವೂ ಏರಿಕೆ

ಈ ಸಂಬಂಧ, ಪತ್ರಿಕಾ ಹೇಳಿಕೆ ನೀಡಿರುವ ಸಂಘವು ಶೀಘ್ರದಲ್ಲಿ ದರ ಹೆಚ್ಚಿಸಲಿದ್ದು ಪ್ರಯಾಣಿಕರು ಸಹಕರಿಸಬೇಕು ಎಂದು ಹೇಳಿದೆ.

'ಆರು ವರ್ಷಗಳಿಂದ ಪ್ರಯಾಣ ದರ ಹೆಚ್ಚಿಸಿಲ್ಲ. 2014ರಲ್ಲಿ ಲೀಟರ್ ಡೀಸೆಲ್‌ಗೆ ₹61.57 ಪೈಸೆ ಇತ್ತು. ಈಗ ₹67 ಇದೆ. ವಿಮೆ, ಟೈರ್, ಆಯಿಲ್ ಬೆಲೆ ಮತ್ತು ರಸ್ತೆ ತೆರಿಗೆ ಹೆಚ್ಚಳವಾಗಿದ್ದು, ಆರು ವರ್ಷಗಳಿಂದ ಬಸ್ಸುಗಳನ್ನು ನಷ್ಟದಲ್ಲೇ ಓಡಿಸಲಾಗುತ್ತಿದೆ. ನಷ್ಟದಿಂದಾಗಿ ಮಾಲೀಕರು ಬಸ್ ಸಂಚಾರವನ್ನೇ ಸ್ಥಗಿತಗೊಳಿಸಿದ್ದಾರೆ' ಎಂದು ಸಂಘದ ಕಾರ್ಯದರ್ಶಿ ಮುರಳಿಕೃಷ್ಣ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.