ಚಾಮರಾಜನಗರ: ಜಿಲ್ಲೆಯಲ್ಲಿ ಮಂಗಳವಾರ ಏಳು ಹೊಸ ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. 28 ಮಂದಿ ಗುಣಮುಖರಾಗಿದ್ದಾರೆ. ಸೋಮವಾರ ಮೂರು ಪ್ರಕರಣಗಳು ದೃಢಪಟ್ಟು, ಏಳು ಮಂದಿ ಗುಣಮುಖರಾಗಿದ್ದರು.
ಜಿಲ್ಲೆಯಲ್ಲಿ ಸದ್ಯ 101 ಸಕ್ರಿಯ ಪ್ರಕರಣಗಳಿವೆ. ಈ ಪೈಕಿ 63 ಮಂದಿ ಹೋಂ ಐಸೊಲೇಷನ್ನಲ್ಲಿದ್ದರೆ, 11 ಮಂದಿ ಐಸಿಯುನಲ್ಲಿದ್ದಾರೆ.
ಜಿಲ್ಲೆಯಲ್ಲಿ ಈವರೆಗೆ 6,194 ಮಂದಿಗೆ ಸೋಂಕು ತಗುಲಿದ್ದು, 5,966 ಮಂದಿ ಗುಣಮುಖರಾಗಿದ್ದಾರೆ.108 ಮಂದಿ ಕೋವಿಡ್ನಿಂದ ಹಾಗೂ 19 ಮಂದಿ ಕೋವಿಡ್ಯೇತರ ಕಾರಣದಿಂದ ಮೃತಪಟ್ಟಿದ್ದಾರೆ.
ಮಂಗಳವಾರ 1,006 ಮಂದಿ ಗಂಟಲು ದ್ರವ ಮಾದರಿ ಪರೀಕ್ಷಾ ವರದಿ ಬಂದಿದ್ದು, 1,000 ವರದಿಗಳು ನೆಗೆಟಿವ್ ಬಂದಿವೆ. ಆರು ಮಂದಿಗೆ ಸೋಂಕು ತಗುಲಿದೆ. ಒಂದು ಪ್ರಕರಣ ಮೈಸೂರಿನಲ್ಲಿ ದೃಢಪಟ್ಟಿದೆ.