ಗುರುವಾರ , ಆಗಸ್ಟ್ 13, 2020
28 °C

ಚಾಮರಾಜನಗರ | ‌ತನ್ನ ಮರಿಗೆ ತಡೆಗೋಡೆ ದಾಟುವುದನ್ನು ಹೇಳಿಕೊಟ್ಟ ಆನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಾಮರಾಜನಗರ: ಆನೆಯೊಂದು ತನ್ನ ಮರಿಗೆ ರಸ್ತೆ ಬದಿಯ ತಡೆಗೋಡೆ ದಾಟುವುದನ್ನು ಹೇಳಿಕೊಟ್ಟು, ಮರಿಗೆ ದಾಟಲು ಸಾಧ್ಯವಾಗದೇ ಇದ್ದಾಗ ಸೊಂಡಿಲ ಮೂಲಕ ಅದಕ್ಕೆ ತಡೆಗೋಡೆ ಹತ್ತಲು ನೆರವಾಗುತ್ತಿರುವ ವಿಡಿಯೊವೊಂದು ಫೇಸ್‌ಬುಕ್‌, ವಾಟ್ಸ್‌ಆ್ಯಪ್‌ನಲ್ಲಿ ವೈರಲ್‌ ಆಗಿದೆ.

ಜಿಲ್ಲೆಯ ಗಡಿ ಭಾಗ ತಮಿಳುನಾಡಿನ ಗೂಡಲೂರಿನಿಂದ ನೀಲಂಬೂರಿಗೆ ಹೋಗುವ ರಸ್ತೆಯಲ್ಲಿ ಈ ಘಟನೆ ನಡೆದಿದೆ ಎಂದು ಹೇಳಲಾಗುತ್ತಿದ್ದು, ವಾಹನ ಸವಾರರು ಈ ದೃಶ್ಯಾವಳಿಯನ್ನು ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ.

ಹೆಣ್ಣಾನೆ ಹಾಗೂ ಎರಡು ಮರಿಗಳು ತಿರುವೊಂದರಲ್ಲಿ ರಸ್ತೆ ದಾಟಿ, ರಸ್ತೆ ಬದಿಯ ತಡೆಗೋಡೆಯತ್ತ ಬರುತ್ತವೆ. ತಾಯಿ ಆನೆ ಹಾಗೂ ದೊಡ್ಡ ಮರಿಯೊಂದು ತಡೆಗೋಡೆ ದಾಟುತ್ತವೆ. ಪುಟ್ಟದಾದ ಮರಿ ದಾಟಲು ಪ್ರಯತ್ನಿಸಿದರೂ ಸಾಧ್ಯವಾಗುವುದಿಲ್ಲ. ತಾಯಿ ಆನೆ ವಾಪಸ್‌ ರಸ್ತೆಯತ್ತ ಬಂದು, ತಡೆಗೋಟೆ ಮೇಲೆ ಕಾಲಿಟ್ಟು ದಾಟುವ ವಿಧಾನವನ್ನು ಮರಿಗೆ ತಿಳಿಸಿಕೊಡುತ್ತದೆ. ಹಾಗಿದ್ದರೂ ಅದಕ್ಕೆ ಸಾಧ್ಯವಾಗುವುದಿಲ್ಲ. ಕೊನೆಗೆ ತನ್ನ ಸೊಂಡಿಲಿನಿಂದ ಮರಿಯ ಬೆನ್ನನ್ನು ಕೊಂಚ ಎತ್ತಿ, ತಡೆಗೋಡೆ ಹತ್ತಲು ನೆರವಾಗುವ ದೃಶ್ಯ ವಿಡಿಯೊದಲ್ಲಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು