ಅಭಿವೃದ್ಧಿ ಭಾಗ್ಯಕ್ಕೆ ಕಾದು ಕುಳಿತ ಜನರು!

 

ಕಳೆದ ವರ್ಷ ನಗರೋತ್ಥಾನ ಯೋಜನೆಯಡಿಯಲ್ಲಿ ಲಕ್ಷಾಂತರ ರೂಪಾಯಿ ಹಣವನ್ನು ವ್ಯಯಿಸಿ ಇಲ್ಲಿಗೆ ಚರಂಡಿ ಹಾಗೂ ರಸ್ತೆಯನ್ನು ನಿರ್ಮಿಸ ಲಾಗಿದೆ. ಆದರೆ,  ಕಳಪೆ ಗುಣಮಟ್ಟವನ್ನು ಇವು ಹೆಜ್ಜೆ ಹೆಜ್ಜೆಗೂ ಸಾರುತ್ತಲಿವೆ.  ಇಲ್ಲಿ ಉದ್ಯಾನ ನಿರ್ಮಿಸಲು ಸ್ಥಳವನ್ನು ಮೀಸಲಿಟ್ಟು, ಫೆನ್ಸಿಂಗ್ ಕೂಡ ಹಾಕಲಾಗಿದೆ. 

 

ಕುಡಿಯುವ ನೀರಿನ ತೊಂಬೆಯೂ ಇದೆ. ಆದರೆ ತೊಂಬೆಗೆ ಇನ್ನೂ ನೀರು ಕಂಡಿಲ್ಲ.  ಉದ್ಯಾನದ ತುಂಬೆಲ್ಲಾ ಮುಳ್ಳಿನ ಪೊದೆಗಳದ್ದೇ ಬೆಳೆ. ಕಬ್ಬಿಣದ ತಂತಿಯ ಸುತ್ತುಗೋಡೆಗೆ ಹಂಬುಗಳು ಆವರಿಸಿವೆ. 

 

ಇಲ್ಲಿಗೆ ವಿದ್ಯುತ್ ಕಂಬಗಳನ್ನು ಅಳ ವಡಿಸಲು ಗುತ್ತಿಗೆ ನೀಡಿ ವರ್ಷ ಕಳೆದರೂ ಕಂಬಗಳು ಇವೆ. ಆದರೆ, ವಿದ್ಯುತ್ ತಂತಿಯ ಸಂಪರ್ಕ ಕಲ್ಪಿಸಿಲ್ಲ. ಚರಂಡಿಗಳ ನಿರ್ಮಿಸುವಲ್ಲೂ ಯೋಜನೆ ರೂಪಿಸಿಲ್ಲ. ಮಳೆ ಬಂದರೆ ನೀರು ಸರಾಗವಾಗಿ ಹರಿದು ಹೋಗುವುದಿಲ್ಲ ಎಂಬುದು ಇಲ್ಲಿನ ನಿವಾಸಿಗಳಾದ ಮನು, ಮಹಾದೇವಮ್ಮ  ಅವರ ದೂರು.

 

ಪಟ್ಟಣದಲ್ಲಿ ಖಾಲಿ ನಿವೇಶನಗಳಿಗೆ ತೊಂದರೆ ಇದೆ. ರಾಷ್ಟ್ರೀಯ ಹೆದ್ದಾರಿ 209 ರ ಚತುಷ್ಪಥ ರಸ್ತೆ ನಿರ್ಮಾಣಕ್ಕಾಗಿ ಮನೆ ಕಳೆದುಕೊಂಡ ಕೆಲ ನಿವಾಸಿಗಳಿಗೆ 20x30 ಅಳತೆಯ 38 ಖಾಲಿ ನಿವೇಶನ ಗಳನ್ನು ನೀಡಲು ಪಟ್ಟಣ ಪಂಚಾಯಿತಿ ತೀರ್ಮಾನಿಸಿದೆ. ಕೆಲಸ ಪ್ರಗತಿಯಲ್ಲಿದೆ. ಪಟ್ಟಣ ಪಂಚಾಯಿತಿ ಕಚೇರಿಯ ನೂತನ ಕಟ್ಟಡ ಕಾಮಗಾರಿಯೂ ನಡೆಯುತ್ತಿದೆ. ಜೊತೆಗೆ. ಇಲ್ಲಿನ ಸಿಬ್ಬಂದಿಗೆ ವಸತಿ ಗೃಹ ಗಳೂ ಇವೆ.  ಆದರೆ ಕುಡಿಯುವ ನೀರು, ರಸ್ತೆ, ಚರಂಡಿ, ವಿದ್ಯುತ್ ಸಂಪರ್ಕ ಸೇರಿದಂತೆ ಮೂಲ ಸೌಲಭ್ಯ ಕಲ್ಪಿಸುವಲ್ಲಿ ಪಂಚಾಯಿತಿ ಚುರುಕಾಗಿಲ್ಲ ಎಂಬುದು ಇಲ್ಲಿನ ನಾಗರಿಕರ ದೂರಾಗಿದೆ.

 

**