ಕೋಚಿಮುಲ್:₹130 ಕೋಟಿ ವೆಚ್ಚದ ಡಿಪಿಆರ್‌ಗೆ ಅನುಮೋದನೆ, ಮೆಗಾ ಡೇರಿಗೆ ಮತ್ತಷ್ಟು ಬಲ

ಮೆಗಾ ಡೇರಿ ಆರಂಭವಾದ ದಿನದಿಂದ ಇಲ್ಲಿಯವರೆಗೆ ಹಾಲಿನ ಪ್ಯಾಕೆಟ್ ಘಟಕವಿಲ್ಲ. ಈ ಕಾರಣದಿಂದಲೇ ವಿಭಜನೆಗೆ ಪ್ರಮುಖ ತೊಂದರೆ ಆಗಿತ್ತು ಎಂದು ಚಿಕ್ಕಬಳ್ಳಾಪುರ ಕೋಚಿಮುಲ್ ನಿರ್ದೇಶಕ ಎನ್.ಸಿ.ವೆಂಕಟೇಶ್ ‘ಪ್ರಜಾವಾಣಿ’ಗೆ ತಿಳಿಸಿದರು. ಡಿಪಿಆರ್‌ಗೆ ಅನುಮೋದನೆ ದೊರೆತಿದೆ. ಮುಂದಿನ ಒಂದು ತಿಂಗಳ ಒಳಗೆ ಟೆಂಡರ್ ಆಗುತ್ತದೆ. ನಂತರ ನಿರ್ಮಾಣ ಕಾರ್ಯಗಳು ನಡೆಯಲಿದೆ. ಒಂದು ವೇಳೆ ಕೋಚಿಮುಲ್ ವಿಭಜನೆಗೆ ಸರ್ಕಾರ ಮುಂದಾದರೆ ಘಟಕ ನಿರ್ಮಾಣ ಯೋಜನೆ ನಾಲ್ಕೈದು ತಿಂಗಳು ಮುಂದೆ ಹೋಗಬಹುದು. ಇಲ್ಲದಿದ್ದರೆ ಜುಲೈ 28ಕ್ಕೆ ಕೋಚಿಮುಲ್ ಆಡಳಿತ ಮಂಡಳಿ ನಿರ್ದೇಶಕ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ ಎಂದು ಹೇಳಿದರು. ಪ್ಯಾಕಿಂಗ್ ಘಟಕ ನಿರ್ಮಾಣದಿಂದ ಜಿಲ್ಲೆಯಲ್ಲಿ ಡೇರಿ ಚಟುವಟಿಕೆಗಳು ಮತ್ತಷ್ಟು ವಿಸ್ತಾರಗೊಳ್ಳಲಿವೆ. ಮಾರುಕಟ್ಟೆ ಆರ್ಥಿಕ ಬಲವೂ ಹೆಚ್ಚುತ್ತದೆ. ಕೋಚಿಮುಲ್ ವಿಭಜನೆಯ ದೃಷ್ಟಿಯಿಂದ ಪ್ಯಾಕಿಂಗ್ ಘಟಕ ನಿರ್ಮಾಣ ಅತ್ಯಗತ್ಯ ಎಂದು ಹೇಳಿದರು.

* ಹಾಲು ಸಂಸ್ಕರಣಾ ಸಾಮರ್ಥ್ಯ ನಿತ್ಯ 7.5 ಲಕ್ಷ ಲೀಟರ್  * ಯೋಜನಾ ವೆಚ್ಚ; ಜಿಎಸ್‌ಟಿ ಸೇರಿ ₹ 130 ಕೋಟಿ * ಸ್ಯಾಚೆ ಹಾಲು ಪ್ಯಾಕಿಂಗ್; ದಿನವಹಿ 4 ಲಕ್ಷ ಲೀಟರ್ (6 ಲಕ್ಷ ಲೀಟರ್‌ಗೆ ವಿಸ್ತರಿಸಬಹುದು) * ಮೊಸರು ಉತ್ಪಾದನೆ ಮತ್ತು ಪ್ಯಾಕಿಂಗ್; ನಿತ್ಯ 1.5 ಲಕ್ಷ ಲೀಟರ್ (2 ಲಕ್ಷ ಲೀಟರ್‌ವರೆಗೆ ವಿಸ್ತರಿಸಬಹುದು) * ಮಸಾಲ ಮಜ್ಜಿಗೆ; ದಿನವಹಿ 25 ಸಾವಿರ ಲೀಟರ್ * ಸಿಹಿ ಉತ್ಪನ್ನಗಳು (ಮೈಸೂರು ಪಾಕ್ ಪೇಡಾ). ದಿನವಹಿ 1 ಟನ್.