<p><strong>ಚಿಕ್ಕಮಗಳೂರು: </strong>ಎಲೆಕೋಸಿನ ಬೆಲೆ ನೆಲಕಚ್ಚಿ ಬೆಳೆಗಾರರು ಕಂಗಾಲಾಗಿದ್ದಾರೆ. ಬೆಳೆಯನ್ನು ಹೊಲದಲ್ಲೇ ಮಣ್ಣುಪಾಲು ಮಾಡಬೇಕಾದ ಸ್ಥಿತಿ ಬಂದೊದಗಿದೆ.</p>.<p>ತಾಲ್ಲೂಕಿನ ಕರ್ಕಿಪೇಟೆ, ಬಾಳೆಹಳ್ಳಿ, ಅಯ್ಯನಹಳ್ಳಿ, ಹುಳಿಯಾರಹಳ್ಳಿ ಇತರ ಕಡೆಗಳಲ್ಲಿ ಎಲೆಕೋಸು ಬೆಳೆಯಲಾಗಿದೆ. ಈ ತರಕಾರಿಯ ಬೆಲೆ ವಿಪರೀತ ಕುಸಿದಿದೆ, ವರ್ತಕರು ಖರೀದಿಗೆ ಆಸಕ್ತಿ ತೋರುತ್ತಿಲ್ಲ. ಮಾರುಕಟ್ಟೆಯಲ್ಲಿ ದುಗ್ಗಾಣಿ ದರಕ್ಕೆ ಕೇಳುತ್ತಾರೆ, ಸಾಗಣೆ ವೆಚ್ಚವೂ ಸಿಗಲ್ಲ ಎಂಬುದು ರೈತರು ಅಳಲು.</p>.<p>ಕೋವಿಡ್ ತಲ್ಲಣವು ಎಲ್ಲರನ್ನೂ ಹೈರಾಣಾಗಿಸಿದೆ. ಬೆಳೆದ ಬೆಳೆಗೆ ಬೆಲೆ ಸಿಗದಿರುವುದು ರೈತರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.</p>.<p>ನೂರಾರು ಎಕರೆಯಲ್ಲಿ ಈ ತರಕಾರಿ ಬೆಳೆದಿದ್ದಾರೆ. ಎಲ್ಲರೂ ಸಣ್ಣ ರೈತರೇ. ಎಲೆ ಕೋಸು ಮೂರು ತಿಂಗಳ ಬೆಳೆ. ಇಳುವರಿಯೂ ಚೆನ್ನಾಗಿ ಬಂದಿದೆ. ಬೆಳೆ ಈಗ ಕಟಾವಿನ ಹಂತದಲ್ಲಿದೆ.</p>.<p>ಈ ಬೆಳೆ ಬೆಳೆಯಲು ಸಸಿ, ಗೊಬ್ಬರ, ಔಷಧ, ಕಳೆ ತೆಗೆಸುವುದು ಎಲ್ಲ ಸೇರಿ ಎಕರೆಗೆ ₹ 25 ಸಾವಿರಕ್ಕೂ ಹೆಚ್ಚು ವೆಚ್ಚ ತಗಲುತ್ತದೆ. ಖರೀದಿಸಲು ಬರುವುದಾಗಿ ಹೇಳಿದ್ದ ವರ್ತಕರು ಪತ್ತೆ ಇಲ್ಲ. ಈ ಬಾರಿ ಬೆಳೆಗೆ ಮಾಡಿರುವ ಖರ್ಚೂ ಸಿಗದಂತಾ ಗಿದೆ ಎಂಬುದು ಬೆಳೆಗಾರರ ನೋವು.</p>.<p>‘ಒಂದು ಎಕರೆಯಲ್ಲಿ ಎಲೆಕೋಸು ಬೆಳೆದಿದ್ದೇನೆ. ಫಸಲು ಚೆನ್ನಾಗಿದೆ, ಕೇಳುವವರೇ ಇಲ್ಲ. ₹ 25 ಸಾವಿರ ವೆಚ್ಚ ಮಾಡಿದ್ದೇನೆ. ಒಂದು ಚೀಲ (60 ಕೆ.ಜಿ) ಎಲೆಕೋಸಿಗೆ ₹70 ರಿಂದ ₹ 80 ಕ್ಕೆ ಕೇಳುತ್ತಾರೆ. ದಿಕ್ಕೇ ತೋಚುತ್ತಿಲ್ಲ’ ಎಂದು ಅಯ್ಯನಹಳ್ಳಿಯ ಬೆಳೆಗಾರ ಪಂಚಾಕ್ಷರಿ ಗೋಳು ತೋಡಿಕೊಂಡರು.</p>.<p>‘ಬೆಳೆಯನ್ನು ಹೊಲದಲ್ಲಿ ಇಟ್ಟು ಕೊಂಡರೆ ಉಪಯೋಗ ಇಲ್ಲ. ರೊಟವೇಟರ್ನಲ್ಲಿ ಬೆಳೆಯನ್ನು ಹೊಲದಲ್ಲೇ ಮಣ್ಣುಪಾಲು ಮಾಡಿದ್ದೇನೆ. ಬೇರೆ ದಾರಿಯೇ ಇಲ್ಲ’ ಎಂದರು.</p>.<p>‘ಲಾಕ್ಡೌನ್ ಆದಾಗಿನಿಂದ ಎಲ್ಲ ವಹಿವಾಟಿನಲ್ಲೂ ಏರುಪೇರು ಆಗಿದೆ. ಎಲೆಕೋಸು ಮಾರುಕಟ್ಟೆಗೆ ಜಾಸ್ತಿ ಬರುತ್ತಿದೆ. ಸ್ಥಳೀಯವಾಗಿ ಸಂಗ್ರಹಿಸಿಡುವುದಕ್ಕೂ ವ್ಯವಸ್ಥೆ ಇಲ್ಲ. ಹೊರಗಡೆಗೆ ಕಳಿಸುವುದು ಕಷ್ಟ ಆಗಿದೆ. ಹೀಗಾಗಿ ಖರೀದಿದಾರರು ಸ್ವಲ್ಪ ಹಿಂದೇಟು ಹಾಕುತ್ತಾರೆ’ ಎಂದು ವರ್ತಕರೊಬ್ಬರು ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಿಕ್ಕಮಗಳೂರು: </strong>ಎಲೆಕೋಸಿನ ಬೆಲೆ ನೆಲಕಚ್ಚಿ ಬೆಳೆಗಾರರು ಕಂಗಾಲಾಗಿದ್ದಾರೆ. ಬೆಳೆಯನ್ನು ಹೊಲದಲ್ಲೇ ಮಣ್ಣುಪಾಲು ಮಾಡಬೇಕಾದ ಸ್ಥಿತಿ ಬಂದೊದಗಿದೆ.</p>.<p>ತಾಲ್ಲೂಕಿನ ಕರ್ಕಿಪೇಟೆ, ಬಾಳೆಹಳ್ಳಿ, ಅಯ್ಯನಹಳ್ಳಿ, ಹುಳಿಯಾರಹಳ್ಳಿ ಇತರ ಕಡೆಗಳಲ್ಲಿ ಎಲೆಕೋಸು ಬೆಳೆಯಲಾಗಿದೆ. ಈ ತರಕಾರಿಯ ಬೆಲೆ ವಿಪರೀತ ಕುಸಿದಿದೆ, ವರ್ತಕರು ಖರೀದಿಗೆ ಆಸಕ್ತಿ ತೋರುತ್ತಿಲ್ಲ. ಮಾರುಕಟ್ಟೆಯಲ್ಲಿ ದುಗ್ಗಾಣಿ ದರಕ್ಕೆ ಕೇಳುತ್ತಾರೆ, ಸಾಗಣೆ ವೆಚ್ಚವೂ ಸಿಗಲ್ಲ ಎಂಬುದು ರೈತರು ಅಳಲು.</p>.<p>ಕೋವಿಡ್ ತಲ್ಲಣವು ಎಲ್ಲರನ್ನೂ ಹೈರಾಣಾಗಿಸಿದೆ. ಬೆಳೆದ ಬೆಳೆಗೆ ಬೆಲೆ ಸಿಗದಿರುವುದು ರೈತರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.</p>.<p>ನೂರಾರು ಎಕರೆಯಲ್ಲಿ ಈ ತರಕಾರಿ ಬೆಳೆದಿದ್ದಾರೆ. ಎಲ್ಲರೂ ಸಣ್ಣ ರೈತರೇ. ಎಲೆ ಕೋಸು ಮೂರು ತಿಂಗಳ ಬೆಳೆ. ಇಳುವರಿಯೂ ಚೆನ್ನಾಗಿ ಬಂದಿದೆ. ಬೆಳೆ ಈಗ ಕಟಾವಿನ ಹಂತದಲ್ಲಿದೆ.</p>.<p>ಈ ಬೆಳೆ ಬೆಳೆಯಲು ಸಸಿ, ಗೊಬ್ಬರ, ಔಷಧ, ಕಳೆ ತೆಗೆಸುವುದು ಎಲ್ಲ ಸೇರಿ ಎಕರೆಗೆ ₹ 25 ಸಾವಿರಕ್ಕೂ ಹೆಚ್ಚು ವೆಚ್ಚ ತಗಲುತ್ತದೆ. ಖರೀದಿಸಲು ಬರುವುದಾಗಿ ಹೇಳಿದ್ದ ವರ್ತಕರು ಪತ್ತೆ ಇಲ್ಲ. ಈ ಬಾರಿ ಬೆಳೆಗೆ ಮಾಡಿರುವ ಖರ್ಚೂ ಸಿಗದಂತಾ ಗಿದೆ ಎಂಬುದು ಬೆಳೆಗಾರರ ನೋವು.</p>.<p>‘ಒಂದು ಎಕರೆಯಲ್ಲಿ ಎಲೆಕೋಸು ಬೆಳೆದಿದ್ದೇನೆ. ಫಸಲು ಚೆನ್ನಾಗಿದೆ, ಕೇಳುವವರೇ ಇಲ್ಲ. ₹ 25 ಸಾವಿರ ವೆಚ್ಚ ಮಾಡಿದ್ದೇನೆ. ಒಂದು ಚೀಲ (60 ಕೆ.ಜಿ) ಎಲೆಕೋಸಿಗೆ ₹70 ರಿಂದ ₹ 80 ಕ್ಕೆ ಕೇಳುತ್ತಾರೆ. ದಿಕ್ಕೇ ತೋಚುತ್ತಿಲ್ಲ’ ಎಂದು ಅಯ್ಯನಹಳ್ಳಿಯ ಬೆಳೆಗಾರ ಪಂಚಾಕ್ಷರಿ ಗೋಳು ತೋಡಿಕೊಂಡರು.</p>.<p>‘ಬೆಳೆಯನ್ನು ಹೊಲದಲ್ಲಿ ಇಟ್ಟು ಕೊಂಡರೆ ಉಪಯೋಗ ಇಲ್ಲ. ರೊಟವೇಟರ್ನಲ್ಲಿ ಬೆಳೆಯನ್ನು ಹೊಲದಲ್ಲೇ ಮಣ್ಣುಪಾಲು ಮಾಡಿದ್ದೇನೆ. ಬೇರೆ ದಾರಿಯೇ ಇಲ್ಲ’ ಎಂದರು.</p>.<p>‘ಲಾಕ್ಡೌನ್ ಆದಾಗಿನಿಂದ ಎಲ್ಲ ವಹಿವಾಟಿನಲ್ಲೂ ಏರುಪೇರು ಆಗಿದೆ. ಎಲೆಕೋಸು ಮಾರುಕಟ್ಟೆಗೆ ಜಾಸ್ತಿ ಬರುತ್ತಿದೆ. ಸ್ಥಳೀಯವಾಗಿ ಸಂಗ್ರಹಿಸಿಡುವುದಕ್ಕೂ ವ್ಯವಸ್ಥೆ ಇಲ್ಲ. ಹೊರಗಡೆಗೆ ಕಳಿಸುವುದು ಕಷ್ಟ ಆಗಿದೆ. ಹೀಗಾಗಿ ಖರೀದಿದಾರರು ಸ್ವಲ್ಪ ಹಿಂದೇಟು ಹಾಕುತ್ತಾರೆ’ ಎಂದು ವರ್ತಕರೊಬ್ಬರು ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
