ರೋಗ ನಿಯಂತ್ರಣಕ್ಕೆ ಗುಣಮಟ್ಟದ ಔಷಧ ಸಿಂಪಡಣೆ, ಕಳೆ ತೆಗೆಯುವುದು, ಗೊಬ್ಬರ ಹಾಕುವುದು, ಗಿಡದ ಬಳ್ಳಿ ಎತ್ತಿಕಟ್ಟುವಂತಹ ಬೆಳೆಯ ಉಪಚಾರದ ಕಾಯಕದಲ್ಲಿ ತೊಡಗಿದ್ದಾರೆ. ಉತ್ತಮ ಬೆಲೆ ಸಿಗುತ್ತಿರುವುದರಿಂದ ಕಾಯಿ ಸ್ವಲ್ಪ ಕೆಂಪಾಗುತ್ತಿದ್ದಂತೆ ಕೊಯ್ದು ಮಾರಾಟ ಮಾಡುತ್ತಿದ್ದಾರೆ. ‘ಈಗಿನಂತೆ ಬೆಲೆ ಸಿಕ್ಕರೆ 4 ತಿಂಗಳ ಬೆಳೆಯಾದ ಟೊಮೆಟೊದಲ್ಲಿ ಸಿಗುವಷ್ಟು ಆದಾಯ ಇನ್ಯಾವುದೇ ಬೆಳೆಯಲ್ಲಿ ಸಿಗುವುದಿಲ್ಲ’ ಎನ್ನುತ್ತಾರೆ ಬೆಳೆಗಾರ ಬೋಕಿಕೆರೆ ರಾಕೇಶ್.