ಸೋಮವಾರ, ಆಗಸ್ಟ್ 15, 2022
23 °C
ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ ಪ್ರಯತ್ನ

ಬ್ಯಾರಿ ಸಾಹಿತ್ಯ ಅಕಾಡೆಮಿಯಿಂದ ಬ್ಯಾರಿ ಲಿಪಿ ಬಿಡುಗಡೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮಂಗಳೂರು: ಸುಮಾರು ಸಾವಿರ ವರ್ಷದ ಇತಿಹಾಸ ಹೊಂದಿರುವ ಬ್ಯಾರಿ ಭಾಷೆಗೆ ಸ್ವತಂತ್ರ ಲಿಪಿಯನ್ನು ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿಯು ಶುಕ್ರವಾರ ಬಿಡುಗಡೆ ಮಾಡಲಿದೆ.

‘ಬ್ಯಾರಿ ಭಾಷೆಯ ಅಸ್ಮಿತೆ, ಅನನ್ಯತೆ ಹಾಗೂ ಆಧುನಿಕ ತಂತ್ರಜ್ಞಾನ ಮಾದರಿಗಳನ್ನು ಅಳವಡಿಸಿಕೊಂಡು ಸ್ವತಂತ್ರ ಲಿಪಿಯನ್ನು ನೀಡುತ್ತಿದ್ದೇವೆ. ಇದರಲ್ಲಿ ಕಾಗುಣಿತದಿಂದ ಹಿಡಿದು ಎಲ್ಲವೂ ಇರಲಿದೆ. ಇದೊಂದು ಐತಿಹಾಸಿಕ ದಿನ’ ಎಂದು ಅಕಾಡೆಮಿ ಅಧ್ಯಕ್ಷ ರಹೀಂ ಉಚ್ಚಿಲ ತಿಳಿಸಿದರು. 

‘ಸುಮಾರು 10 ಬ್ಯಾರಿ ಭಾಷಾ ತಜ್ಞರು ಹೊಸ ಲಿಪಿಯನ್ನು ನೀಡಿದ್ದರು. ಆದರೆ, ಅಕಾಡೆಮಿಯು ಅವರ ಕೊಡುಗೆಗಳನ್ನು ಸ್ವೀಕರಿಸಿಕೊಂಡು, ತಜ್ಞರ ಸಮಿತಿಯನ್ನು ರಚಿಸಿಕೊಂಡು ಹೊಸ ಲಿಪಿಯನ್ನು ಆವಿಷ್ಕರಿಸಿದೆ. ಆ ಮೂಲಕ ಇತಿಹಾಸದಲ್ಲೇ ಮೊದಲ ಬಾರಿಗೆ ಬ್ಯಾರಿ ಲಿಪಿಗೆ ಅಧಿಕೃತ ಮಾನ್ಯತೆ ದೊರೆಯಲಿದೆ. ಇದರಲ್ಲಿ ಎಲ್ಲರ ಕೊಡುಗೆಯೂ ಸೇರಿದೆ’ ಎಂದು ಸ್ಮರಿಸಿದರು.

‘ಲಿಪಿಗೆ ಭಾಷಾ ಮತ್ತು ತಾಂತ್ರಿಕ ಸೇರಿದಂತೆ ಎಲ್ಲ ಮಾನದಂಡಗಳನ್ನೂ ಅನ್ವಯಿಸಿದ್ದೇವೆ. ಅಲ್ಲದೇ, ಬ್ಯಾರಿಯಿಂದ ಕನ್ನಡ ಹಾಗೂ ಇಂಗ್ಲಿಷ್‌ಗೆ ಲಿಪ್ಯಂತರದ ಆ್ಯಪ್‌ ಅನ್ನೂ ಶೀಘ್ರ ಹೊರ ತರುತ್ತೇವೆ. ಇದೆಲ್ಲ ಭಾಷೆಯ ಅಸ್ತಿತ್ವದ ಪ್ರಯತ್ನಗಳೇ ಹೊರತು, ಹೇರಿಕೆ ಅಲ್ಲ’ ಎಂದು ಪ್ರತಿಕ್ರಿಯಿಸಿದರು.  

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.