‘ಅನಾಥ ಮಕ್ಕಳು, ಬಡ ಕುಟುಂಬದ ಪುಟಾಣಿಗಳಿಗೆ ‘ಗಿಫ್ಟ್ ಎ ಟಾಯ್’ ಆಟಿಕೆ ಸಾಮಗ್ರಿ ನೀಡುವ ಕಾರ್ಯಕ್ರಮ ಹಮ್ಮಿಕೊಂಡು, ವಾಟ್ಸ್ಆ್ಯಪ್ ಸ್ಟೇಟಸ್ ಹಾಕಿದ್ದೆ. ಇದನ್ನು ಗಮನಿಸಿದ ಹಲವರು, ಮಕ್ಕಳನ್ನು ಕಳೆದುಕೊಂಡವರು, ಮಕ್ಕಳಿಲ್ಲದವರು ತಮ್ಮ ಮನೆಯಲ್ಲಿದ್ದ ಆಟಿಕೆಗಳನ್ನು ಪುಟಾಣಿಗಳಿಗೆ ನೀಡಿ, ಆತ್ಮಾನಂದ ಅನುಭವಿಸಿದರು. ಒಮ್ಮೆ ಆಟಿಕೆ ಖರೀದಿಗೆ ಹೋದಾಗ ಇ–ಸ್ಲೇಟ್ ಕಣ್ಣಿಗೆ ಬಿತ್ತು. ಇದನ್ನು ಖರೀದಿಸಿ ಅಂಗನವಾಡಿ ಮಕ್ಕಳಿಗೆ ವಿತರಿಸಿದೆ. ಇದರಿಂದ ಪ್ರೇರಿತರಾದ ಅನೇಕ ಸ್ನೇಹಿತರು, ಅಭಿಯಾನಕ್ಕೆ ಕೈಜೋಡಿಸಿದರು’ ಎನ್ನುತ್ತಾರೆ ಅನಂತ ಪ್ರಭು.