ಮಂಗಳೂರು: ನಕಲಿ ದಾಖಲೆಗಳೊಂದಿಗೆ ನೂಲು ಸಾಗಿಸುತ್ತಿದ್ದ ಲಾರಿಯನ್ನು ವಶಕ್ಕೆ ಪಡೆದಿರುವ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳು ₹2,78,640 ದಂಡ ವಿಧಿಸಿದ್ದಾರೆ.
ಕೇರಳದಿಂದ ಮಹಾರಾಷ್ಟ್ರಕ್ಕೆ ಈ ನೂಲನ್ನು ಸಾಗಿಸಲಾಗುತ್ತಿತ್ತು. ಒಟ್ಟು ₹11.61 ಲಕ್ಷ ಮೌಲ್ಯದ ನೂಲು ಸಾಗಣೆಗೆ ನಕಲಿ ದಾಖಲೆಗಳನ್ನು ಬಳಸಲಾಗುತ್ತಿತ್ತು. ಮಾಹಿತಿ ಪಡೆದ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳು, ನಗರದ ಕೊಟ್ಟಾರ ಚೌಕಿ ಬಳಿ ಲಾರಿಯನ್ನು ತಪಾಸಣೆ ನಡೆಸಿದಾಗ ಈ ವಿಷಯ ಬೆಳಕಿಗೆ ಬಂದಿದೆ.