‘ಇತಿಹಾಸ ಪಠ್ಯದ 33, 34 ಮತ್ತು 35ನೇ ಪುಟದ ಪಂಚಶೀಲ, ಪಂಚತತ್ವದಲ್ಲಿ ಅನುವ್ರತ ಎಂದಾಗಬೇಕು. ಪಠ್ಯದಲ್ಲಿ ಮಹಾವೀರರಿಗೆ ಮದುವೆಯಾಗಿ ಇಬ್ಬರು ಮಕ್ಕಳಿದ್ದಾರೆ ಎಂದಿದೆ. ಶ್ವೇತಾಂಬರ ಪರಂಪರೆಯ ವಿಚಾರಗಳಿವೆ. ದಿಗಂಬರ ಪ್ರಾಚೀನ ಪರಂಪರೆಯಾಗಿದ್ದು, ಅದರ ಪ್ರಕಾರ ಮಹಾವೀರರು ಬಾಲಬ್ರಹ್ಮಚಾರಿಯಾಗಿದ್ದರು. ಶಾಲಿವಾಹನಶಕೆ ಎಂದು ಮುದ್ರಿಸಲಾಗಿದ್ದು, ಅದು ಕ್ರಿಸ್ತಪೂರ್ವ ಎಂದಾಗಬೇಕು. ಜೈನ ಧರ್ಮ ಕೋಸಲ, ವಂಗ ಮತ್ತು ಮಗಧದಲ್ಲಿ ಮಾತ್ರ ನೆಲೆಯಾಗಿತ್ತು ಎಂದು ಕೂಡ ಉಲ್ಲೇಖಿಸಲಾಗಿದೆ. ಇದು ಕೂಡ ತಪ್ಪು ಮಾಹಿತಿಯಾಗಿದೆ. ಈ ಲೋಪ ಸರಿಪಡಿಸಿ, ಶೈಕ್ಷಣಿಕ ವರ್ಷಾರಂಭದಲ್ಲಿ ಪರಿಷ್ಕೃತ ಪಠ್ಯವನ್ನು ಪ್ರಕಟಿಸುವಂತೆ’ ಸ್ವಾಮೀಜಿ ಪತ್ರ ಬರೆದಿದ್ದರು.
