ಮಂಗಳೂರು:ನಗರ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಅಕ್ರಮ ಗೋ ಕಳವು, ಸಾಗಾಟ ಹಾಗೂ ವಧೆಯನ್ನು ತಡೆಗಟ್ಟುವ ಸಲುವಾಗಿ ಸಿಸಿಬಿ ಘಟಕದ ಅಧಿಕಾರಿ ಹಾಗೂ ಸಿಬ್ಬಂದಿ ಒಳಗೊಂಡ ‘ಜಾನುವಾರು ಕಳವು ಮತ್ತು ಅಕ್ರಮ ಸಾಗಾಟ ಪತ್ತೆ ತಂಡ’ವನ್ನು ರಚಿಸಲಾಗಿದ್ದು, ಇದೇ 5ರಿಂದ ಕಾರ್ಯಾಚರಿಸುತ್ತಿದೆ.
ಅದಕ್ಕಾಗಿ ನಗರ ಸಂಪರ್ಕಿಸುವ 32 ಸ್ಥಳಗಳಲ್ಲಿ ಚೆಕ್‌ಪೋಸ್ಟ್ ಮೂಲಕ ಪರಿಶೀಲನೆ ಹಾಗೂ ರಾತ್ರಿ ರೌಂಡ್ಸ್‌ ಚುರುಕುಗೊಳಿಸಲಾಗಿದೆ. ಇದಕ್ಕೆ ಪೊಲೀಸ್ ಇನ್‌ಸ್ಪೆಕ್ಟರ್ ಒಬ್ಬರನ್ನು ಮೇಲ್ವಿಚಾರಕರಾಗಿ ನೇಮಕ ಮಾಡಲಾಗಿದೆ. ಇದರಿಂದ ಒಟ್ಟು 7 ಪ್ರಕರಣ ದಾಖಲಾಗಿದ್ದು, 28 ಜಾನುವಾರುಗಳನ್ನು ರಕ್ಷಿಸಲಾಗಿದೆ ಎಂದು ಕಮಿಷನರ್‌ ಪ್ರಕಟಣೆ ತಿಳಿಸಿದೆ.
