ಡಾ. ಉಷಾಪ್ರಭಾಗೆ ಸೇವಾ ರತ್ನ ಪುರಸ್ಕಾರ

ಮಂಗಳೂರು: ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆಯ ಸಹ ಸಂಸ್ಥಾಪಕಿ ಹಾಗೂ ಉಪಾಧ್ಯಕ್ಷೆ ಡಾ. ಉಷಾಪ್ರಭಾ ಎನ್. ನಾಯಕ್ ಅವರು ಮ್ಯಾಕ್ಸ್‌ಲೈಫ್ ಇನ್ಶೂರೆನ್ಸ್ ನೀಡುವ ‘ಸೇವಾ ರತ್ನ ಪುರಸ್ಕಾರ’ಕ್ಕೆ ಭಾಜನರಾಗಿದ್ದು, ಈಚೆಗೆ ಪುರಸ್ಕಾರ ಪ್ರದಾನ ಮಾಡಲಾಯಿತು.

ಕೋವಿಡ್–19ರ ಸಂದಿಗ್ಧ ಪರಿಸ್ಥಿತಿಯಲ್ಲಿ ಕೊರೊನಾ ವಾರಿಯರ್ಸ್, ಪ್ರಮುಖವಾಗಿ ಮಹಿಳಾ ಉದ್ಯಮಿಗಳು ಮಾಡಿರುವ ನೇರ ಹಾಗೂ ಪರೋಕ್ಷ ಸೇವೆಯನ್ನು ಗುರುತಿಸಿ ನೀಡುವ ಪುರಸ್ಕಾರ ಇದಾಗಿದ್ದು, ಮ್ಯಾಕ್ಸ್ ಲೈಫ್ ಇನ್ಶೂರೆನ್ಸ್ ಕಂಪನಿಯ ಮಂಗಳೂರು ಕಚೇರಿಯಲ್ಲಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು.

ಡಾ. ಉಷಾಪ್ರಭಾ ಅವರು ಶಿಕ್ಷಣ ಕ್ಷೇತ್ರಕ್ಕೆ ಸಲ್ಲಿಸಿರುವ ಮಾನವೀಯ ಸೇವೆ, ಕೋವಿಡ್  ಸಂದರ್ಭದಲ್ಲಿ ವಿದ್ಯಾರ್ಥಿಗಳಿಗೆ ಮಾನಸಿಕವಾಗಿ ಧೈರ್ಯ ತುಂಬಿ, ವಿದ್ಯಾರ್ಥಿಗಳ ಜ್ಞಾನಾರ್ಜನೆಗಾಗಿ ಅಳವಡಿಸಿರುವ ವ್ಯವಸ್ಥೆಯನ್ನು ಗುರುತಿಸಿ ಪುರಸ್ಕಾರ ನೀಡಲಾಗಿದೆ. ವಲಯ ಪ್ರಬಂಧಕ ಸುಧಾಕರ್ ಶೆಟ್ಟಿ, ಸತೀಶ್ ಮೆನನ್, ಶ್ಮತಿಲ್ಡಾ, ಗಣೇಶ್ ಆಚಾರ್ಯ, ಅರುಣ್ ಶೇರ್ವೆಗಾರ್, ಸಾಯಿಗೀತಾ, ವಿಷ್ಣು ಚೌಧರಿ ಮತ್ತು ಸಂಸ್ಥೆಯ ಅಧಿಕಾರಿಗಳು, ಸಿಬ್ಬಂದಿ ಇದ್ದರು.