ಕೃಷ್ಣಾಷ್ಟಮಿ ವಿಶೇಷವಾಗಿರುವ ಮೂಡೆ (ತೆಂಗಿನ ಒಲಿ) ಹಾಗೂ ಕೊಟ್ಟಿಗೆಗೆ ಬುಧವಾರ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆ ಕಂಡುಬಂತು. ರಥಬೀದಿ ಹಾಗೂ ಸುತ್ತಲಿನ ಪ್ರದೇಶಗಳಲ್ಲಿ ಮೂಡೆ ಹಾಗೂ ಕೊಟ್ಟಿಗೆಗಳ ಮಾರಾಟ ಬಿರುಸಾಗಿದೆ. ಮೂಡೆಯ ಬೆಲೆ ಇತರ ದಿನಗಳಲ್ಲಿ ₹ 100ಕ್ಕೆ 8–9 ಮೂಡೆಗಳು ಲಭ್ಯವಾಗುತ್ತಿದ್ದರೆ, ಅಷ್ಟಮಿ ಸಂದರ್ಭದಲ್ಲಿ ₹ 100ಕ್ಕೆ 3–4 ಮಾತ್ರ ಸಿಗುತ್ತಿತ್ತು. ಕೊಟ್ಟಿಗೆ ₹ 100ಕ್ಕೆ ಎಂಟರಂತೆ ಮಾರಾಟವಾಯಿತು. ವಿವಿಧೆಡೆಗಳಿಂದ ಬಂದ ವ್ಯಾಪಾರಿಗಳು ಮೂಡೆ, ಕೊಟ್ಟಿಗೆ ಮಾರಾಟ ಮಾಡಿದರು. ಹೂವಿನ ವ್ಯಾಪಾರವೂ ಜೋರಾಗಿತ್ತು.