41 ಮಂದಿಗೆ ಕೊರೊನಾ: ಮಹಿಳೆ ಸಾವು

ತಾಲ್ಲೂಕಿನ ಕಬ್ಬೂರು ನಿವಾಸಿ 45 ವರ್ಷದ ಮಹಿಳೆ ತೀವ್ರ ಉಸಿರಾಟದ ಸಮಸ್ಯೆಯಿಂದ ನಿಧನರಾದರು.

ದಾವಣಗೆರೆ ತಾಲ್ಲೂಕಿನಲ್ಲಿ 18, ಹರಿಹರ ತಾಲ್ಲೂಕಿನಲ್ಲಿ 9, ಹೊನ್ನಾಳಿ ನ್ಯಾಮತಿ ತಾಲ್ಲೂಕಿನಲ್ಲಿ 8, ಚನ್ನಗಿರಿ ತಾಲ್ಲೂಕಿನಲ್ಲಿ 6 ಮಂದಿಗೆ ಕೊರೊನಾ ಬಂದಿದೆ.

ಜಿಲ್ಲೆಯಲ್ಲಿ ಈವರೆಗೆ 19,180 ಮಂದಿಗೆ ಸೋಂಕು ತಗುಲಿದೆ. 17,694 ಮಂದಿ ಗುಣಮುಖರಾಗಿದ್ದಾರೆ. 251 ಮಂದಿ ಮೃತಪಟ್ಟಿದ್ದಾರೆ. 1,235 ಸಕ್ರಿಯ ಪ್ರಕರಣಗಳಿವೆ.

8 ಜನರಿಗೆ ಕೊರೊನಾ ಸೋಂಕು

ಮಲೇಬೆನ್ನೂರು: ಹೋಬಳಿ ವ್ಯಾಪ್ತಿಯಲ್ಲಿ 8 ಜನರಿಗೆ ಕೊರೊನಾ ಸೋಂಕು ಶನಿವಾರ ತಗುಲಿರುವುದು ಖಚಿತಪಟ್ಟಿದೆ.

ಪಟ್ಟಣದ ಇಬ್ಬರು, ವಿನಾಯಕ ನಗರ, ಎಕ್ಕೆಗೊಂದಿ, ಕುಂಬಳೂರು, ಹೊಸಪಾಳ್ಯ, ಕೊಕ್ಕನೂರು ಗ್ರಾಮದ ತಲಾ ಒಬ್ಬರಿಗೆ ಕೊರೊನಾ ಬಂದಿದೆ.