ದಾವಣಗೆರೆ: ಜಿಲ್ಲೆಯಲ್ಲಿ 82 ಮಂದಿಗೆ ಕೊರೊನಾ ಇರುವುದು ಬುಧವಾರ ದೃಢಪಟ್ಟಿದೆ. 194 ಮಂದಿ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ.
ದಾವಣಗೆರೆ ತಾಲ್ಲೂಕಿನಲ್ಲಿ 29, ಹರಿಹರ ತಾಲ್ಲೂಕಿನಲಲ್ಲಿ 17, ಹೊನ್ನಾಳಿ–ನ್ಯಾಮತಿ ತಾಲ್ಲೂಕಿನಲ್ಲಿ 16, ಚನ್ನಗಿರಿ ತಾಲ್ಲೂಕಿನಲ್ಲಿ 13, ಜಗಳೂರು ತಾಲ್ಲೂಕಿನಲ್ಲಿ 5 ಮಂದಿಗೆ ಸೋಂಕು ತಗುಲಿದೆ. ದಾವಣಗೆರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಹೊರ ಜಿಲ್ಲೆಗಳ ಇಬ್ಬರಿಗೆ ಸೋಂಕು ಇರುವುದು ಖಚಿತವಾಗಿದೆ.
ಜಿಲ್ಲೆಯಲ್ಲಿ ಈವರೆಗೆ 18,756 ಮಂದಿಗೆ ಕೊರೊನಾ ಬಂದಿದೆ. 17,184 ಮಂದಿ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ. 249 ಮಂದಿ ಮೃತಪಟ್ಟಿದ್ದಾರೆ. 1,323 ಸಕ್ರಿಯ ಪ್ರಕರಣಗಳಿವೆ.
4 ಜನರಿಗೆ ಕೊರೊನಾ
ಮಲೇಬೆನ್ನೂರು: ಹೋಬಳಿ ವ್ಯಾಪ್ತಿಯಲ್ಲಿ ಬುಧವಾರ ನಾಲ್ಕು ಜನರಿಗೆ ಕೊರೊನಾ ಸೋಂಕು ತಗುಲಿರುವುದು ಖಚಿತ ಪಟ್ಟಿದೆ.
ಕೊಕ್ಕನೂರು, ಹಿಂಡಸಗಟ್ಟೆಯ ಇಬ್ಬರು ಪುರುಷರು, ಎಳೆಹೊಳೆ ಹಾಗೂ ಬಿಳಸನೂರಿನ ಇಬ್ಬರು ಮಹಿಳೆಯರಿಗೆ ಕೊರೊನಾ ಬಂದಿದೆ.
ಆರು ಮಂದಿಗೆ ಸೋಂಕು
ಸಾಸ್ವೆಹಳ್ಳಿ: ಹೋಬಳಿ ವ್ಯಾಪ್ತಿಯಲ್ಲಿ ಬೀರಗೊಂಡನಹಳ್ಳಿ 2, ಕುಳಗಟ್ಟೆ, ಲಿಂಗಾಪುರ, ಚಿಕ್ಕಬಾಸೂರು, ಹನಗವಾಡಿ ತಲಾ ಒಂದು ಸೇರಿ ಒಟ್ಟು 6 ಕೊರೊನಾ ಪಾಸಿಟೀವ್ ಪತ್ತೆಯಾಗಿದೆ ಎಂದು ಉಪತಹಶಿಲ್ದಾರ್ ಪರಮೇಶ್ ನಾಯ್ಕ್ ತಿಳಿಸಿದ್ದಾರೆ.