ಮಲೇಬೆನ್ನೂರು | ಮುಂದುವರಿದ ಇಂದಿರಾ ಕ್ಯಾಂಟೀನ್‌ ನಿರ್ಮಾಣ ಜಟಾಪಟಿ

ಮಲೇಬೆನ್ನೂರು : ಎರಡು ವರ್ಷಗಳ ಬಳಿಕ ಪುರಸಭೆ ಸಾಮಾನ್ಯ ಸಭೆಯು ಪ್ರಭಾರ ಅಧ್ಯಕ್ಷೆ ನಪ್ಸಿಯಾಬಾನು ಅಧ್ಯಕ್ಷತೆಯಲ್ಲಿ ಮಂಗಳವಾರ ನಡೆಯಿತು. ಸಭೆಯಲ್ಲಿ ಹೆಚ್ಚು ಸಮಯ ಇಂದಿರಾ ಕ್ಯಾಂಟೀನ್ ನಿರ್ಮಿಸುವ ಕುರಿತ ಚರ್ಚೆ ನಡೆಯಿತು.

. ಸಭೆ ಆರಂಭವಾಗುತ್ತಿದ್ದಂತೆ ಸ್ಥಾಯಿ ಸಮಿತಿಗೆ 8 ಜನ ಸದಸ್ಯರ ಹೆಸರನ್ನು ಸದಸ್ಯ ಷಾ ಅಬ್ರಾರ್ ಸೂಚಿಸಿದರು. ಸಾಬೀರ್ ಅಲಿ ಅನುಮೋದಿಸಿದರು.

. ಜೆಡಿಎಸ್- ಬಿಜೆಪಿಯ 7 ಸದಸ್ಯರಿದ್ದರೂ ಕಾಂಗ್ರೆಸ್ಸಿಗರ ಹಸರನ್ನು ಸೂಚಿಸಿ ಅನುಮೋದಿಸಲಾಗಿದೆ. ಒಬ್ಬ ಮಹಿಳೆಗೂ ಅವಕಾಶ ನೀಡಿಲ್ಲ ಎಂದು ಸಿದ್ದೇಶ್ ಬೇಸರ ವ್ಯಕ್ತಪಡಿಸಿದರು.

. ಸದಸ್ಯ ಕೆ.ಜಿ. ಲೋಕೇಶ್, ‘ಉಪಾಧ್ಯಕ್ಷರು ಮಹಿಳೆಯೇ ಇದ್ದಾರೆ’ ಎಂದು ಸಮರ್ಥಿಸಿದರು.

. ಜಿಬಿಎಂ ಶಾಲೆ ಒಡೆದು ಇಂದಿರಾ ಕ್ಯಾಂಟೀನ್ ನಿರ್ಮಿಸುವ ವಿಚಾರವನ್ನು ಕಾಂಗ್ರೆಸ್ನ ನಯಾಜ್, ದಾದಾಪೀರ್, ಮಂಜುನಾಥ್, ನಾಮ ನಿರ್ದೇಶಿತ ಸದಸ್ಯ ವೀರಯ್ಯ ಸ್ವಾಮಿ ಪ್ರತಿಪಾದಿಸಿದರು.

. ‘ಶತಮಾನ ಕಂಡ ಶಾಲೆಯನ್ನು ಒಡೆಯುವ ಬದಲು ಬೇರೆ ಜಾಗ ಆಯ್ಕೆ ಮಾಡಿ’ ಎಂದು ಬಿಜೆಪಿಯ ಹನುಮಂತಪ್ಪ ಸಲಹೆ ನೀಡಿದರು.

. ‘ಇಂದಿರಾ ಕ್ಯಾಂಟೀನ್ ನಿರ್ಮಿಸುವ ವಿಚಾರ ನ್ಯಾಯಾಲಯದಲ್ಲಿದ್ದು, ಮಾಹಿತಿ ಬಂದಿಲ್ಲ’ ಎಂದು ಮುಖ್ಯಾಧಿಕಾರಿ ಬಜಕ್ಕನವರ್ ತಿಳಿಸಿದರು.

. ಈ ವೇಳೆ ಸಭೆಯಲ್ಲಿ ಭಾಗವಹಿಸಿದ್ದ ಶಾಸಕ ಬಿ.ಪಿ.ಹರೀಶ್ ಅವರೂ ಹೈಕೋರ್ಟ್ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ದಾಖಲಾಗಿರುವ ಕುರಿತ ದಾಖಲೆಯನ್ನು ಪ್ರದರ್ಶಿಸಿದರು.

. ಶಾಸಕ ಹರೀಶ್, ‘ಉಪವಿಭಾಗಾಧಿಕಾರಿ ಅವರು ನೀಡಿರುವ ವರದಿ ಮಂಡಿಸಿ’ ಎಂದು ಮುಖ್ಯಾಧಿಕಾರಿ ಅವರನ್ನು ಕೇಳಿದರು.

. ‘ಮುಖ್ಯಾಧಿಕಾರಿ ಅವರು ವರದಿ ನೀಡಿದ ಕಾರಣ ಮುಂದಿನ ಸಭೆಗೆ ದಾಖಲೆಯೊಂದಿಗೆ ಬನ್ನಿ’ ಎಂದು ಶಾಸಕರು ಸೂಚಿಸಿ ಸಭೆಯಿಂದ ನಿರ್ಗಮಿಸಿದರು.

. ನಂತರದಲ್ಲಿ ಜಿಬಿಎಂ ಶಾಲೆ ಒಡೆದು ಇಂದಿರಾ ಕ್ಯಾಂಟೀನ್ ನಿರ್ಮಾಣ ಮಾಡುವ ಕುರಿತು ಸಭೆಯಲ್ಲಿ ಅನುಮೋದಿಸಿದರು.

. ‘₹ 10 ಕೋಟಿ ವೆಚ್ಚದ ನಗರೋತ್ಥಾನ ಯೋಜನೆ ಅಡಿ ಕಳಪೆ ಕಾಮಗಾರಿ ನಡೆದಿದೆ ಎಂದು ನಾಗರಿಕರು ದೂರಿದ್ದು, ಮಾಹಿತಿ ನೀಡಿ’ ಎಂದು ಸದಸ್ಯರು ಒತ್ತಾಯಿಸಿದರು.

. ಸ್ವಾಗತ ಕಮಾನು ನಿರ್ಮಾಣ, ಗ್ರಂಥಾಲಯ ಕಟ್ಟಡ, ಪಶುವೈದ್ಯ ಆಸ್ಪತ್ರೆ ಜಾಗದಲ್ಲಿ ಸಾರ್ವಜನಿಕ ಶೌಚಾಲಯ, ಬೀದಿ ನಾಯಿ ಸಮಸ್ಯೆ ಕುರಿತು ವಿಜಯಲಕ್ಷ್ಮಿ, ಸುಧಾ ಸಭೆಯಲ್ಲಿ ಚರ್ಚಿಸಿದರು.

. ಮುಂದಿನಸಭೆಯಲ್ಲಿ ಎಂಜಿನಿಯರ್ ಹಾಗೂ ಗುತ್ತಿಗೆದಾರರ ಸಮ್ಮುಖದಲ್ಲಿ ಸಮಸ್ಯೆ ಪರಿಸುವುದಾಗಿ ಮುಖ್ಯಾಧಿಕಾರಿ ಹೇಳಿದರು.

. ಅಮೃತ್ ಕುಡಿಯುವ ನೀರಿನ ಯೋಜನೆ, ಪುರಸಭಾ ಕಟ್ಟಡಕ್ಕೆ ನೀರಾವರಿ ನಿಗಮದ ಮೈದಾನದ ನಿವೇಶನ ಪಡೆಯುವ ಕುರಿತು ಚರ್ಚೆ ನಡೆಯಿತು.

. ಪರಿಸರ ಎಂಜಿನಿಯರ್ ಉಮೇಶ್, ಕಚೇರಿ ವ್ಯವಸ್ಥಾಪಕಿ ಜಯಲಕ್ಷ್ಮಿ, ಆರೋಗ್ಯ ವಿಭಾಗದ ನವೀನ್, ಶಿವರಾಜ್, ಅವಿನಾಶ್, ಕಂದಾಯಾಧಿಕಾರಿ ಧನಂಜಯ, ಇಮ್ರಾನ್, ಜೆಇ ರಾಘವೇಂದ್ರ, ಖೀಜರ್, ಸಮುದಾಯ ಸಂಘಟನಾಧಿಕಾರಿ ನಿಟುವಳ್ಳಿ ದಿನಕರ್, ಪುರಸಭೆ ಸದಸ್ಯರು ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಲೇಬೆನ್ನೂರು | ಮುಂದುವರಿದ ಇಂದಿರಾ ಕ್ಯಾಂಟೀನ್‌ ನಿರ್ಮಾಣ ಜಟಾಪಟಿ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ