ಎಸ್ಸೆಸ್ಸೆಲ್ಸಿ ಪರೀಕ್ಷೆ: ವಿಜಯೀಭವ, ಯಶಸ್ವಿಭವ...

ನಾಳೆಯೇ ಹತ್ತನೇ ತರಗತಿ ವಾರ್ಷಿಕ ಪರೀಕ್ಷೆ. ಬಹುನಿರೀಕ್ಷಿತ ಘಟ್ಟ. ಕೊರೊನಾ ಸಂಕಷ್ಟದ ದಿನಗಳಲ್ಲಿ ಮೀನ–ಮೇಷ ಮಾಡಿ ಕೊನೆಗೂ ಪರೀಕ್ಷೆ ಬಂದೇ ಬಿಟ್ಟಿತು.

. ಮಕ್ಕಳೇ ಪರೀಕ್ಷೆ ಕೇವಲ ಅಂಕಗಳಿಗಲ್ಲ, ನಮ್ಮೊಳಗಿನ ಚಿತ್ತಸ್ವಾಸ್ಥ್ಯ ಮತ್ತು ಜ್ಞಾನದ ಪರಿಧಿಯನ್ನು ನಾವೇ ಕಂಡುಕೊಳ್ಳಬೇಕಾದ ಸುವರ್ಣ ರಸನಿಮಿಷ!

. ಕೇಂದ್ರ ಪರೀಕ್ಷೆ, ರಾಜ್ಯದ ಕೆಲ ಪರೀಕ್ಷೆಗಳು ರದ್ದಾಗಿವೆ. ಎಸ್ಸೆಸ್ಸೆಲ್ಸಿ ಪರೀಕ್ಷೆಯೂ ರದ್ದಾಗುತ್ತಾ? ಅಥವಾ ರದ್ದಾಗಲಿ ಅನ್ನುವ ತುಮುಲಗಳಿಗೆಲ್ಲಾ ತೆರೆ ಬಿದ್ದಿದೆ. ಸರ್ಕಾರ ನಿಮ್ಮ ಶ್ರೇಯೋಭಿಲಾಷೆಗೆ ತಕ್ಕಂತೆ ಸರಳ, ಭಯರಹಿತ, ಮಾರ್ಗದರ್ಶಿ, ಸ್ನೇಹಮಯಿ ಪರೀಕ್ಷೆಗೆ ಮುಂದಾಗಿರುವುದು ಮೆಚ್ಚಬೇಕಾದ ವಿಚಾರ.

. ಒಳಪ್ರವೇಶ ಪಡೆದು, ಕುಳಿತು ಎದ್ದು ಬಂದರೆ ಸಾಕು ಉತ್ತೀರ್ಣ ಆಗಬಹುದೆಂಬ ಸಣ್ಣ ಭಾವನೆ ತೊರೆದು ಇದುವರೆಗೂ ಓದಿದ, ಅರ್ಥೈಸಿಕೊಂಡ, ಚಂದನ ವಾಹಿನಿ ಮೂಲಕ ಕಲಿತ, ಶಾಲೆಯ ಗುರುಗಳ ಮಾರ್ಗದರ್ಶನದಲ್ಲಿ ಅರಿತ ಅಂಶಗಳನ್ನು ಮನನ ಮಾಡಿಕೊಂಡು ಸರಿಯಾದ ಉತ್ತರ ತುಂಬಬೇಕಿದೆ.

. ಈ ಪರೀಕ್ಷೆಯೂ ಯಥಾ ವರ್ಷದ ಪರೀಕ್ಷೆಯಂತೆ ಅಲ್ಲ ಅನ್ನುವ ಜ್ಞಾನ ಇರಬೇಕಾದ್ದು ಕಡ್ಡಾಯ. ‘ಬಹು ಆಯ್ಕೆ, ಹೇಗಾದರೂ ಗುಂಡು ಸುತ್ತುವ ಬಿಡಿ’ ಅನ್ನುವ ಉಡಾಫೆ ಬಿಟ್ಟು ಜಾಣತನದ, ಜ್ಞಾನವೃದ್ಧಿಯ, ಅಧಿಕ ಅಂಕ ಪಡೆಯುವತ್ತ ನಿಮ್ಮ ಚಿತ್ತ ಇರಲಿ. ಯಾವುದೇ ಆತಂಕ, ಭಯ, ನಿರಾಸಕ್ತಿ ಇಟ್ಟುಕೊಂಡು ಪರೀಕ್ಷೆಯ ಕೇಂದ್ರಕ್ಕೆ ಹೋಗಬೇಡಿ. ಒಂದು ನಗು, ಆತ್ಮವಿಶ್ವಾಸ, ದೃಢತೆ, ಎಲ್ಲಾ ಗೆಲ್ಲುವ ದಿಟ್ಟತನ ನಿಮ್ಮಲ್ಲಿರಲಿ.

. ಎಲ್ಲಕ್ಕಿಂತ ಮುಖ್ಯವಾಗಿ ನಿಮ್ಮ ಆರೋಗ್ಯ ನಿಮ್ಮ ಕೈಲಿದೆ. ಕೊರೊನಾ ಮಾಯವಾಗಿಲ್ಲ. ಮಾಸ್ಕ್, ಸ್ಯಾನಿಟೈಸರ್, ಅಂತರ, ಕುಡಿಯುವ ನೀರು, ಕರವಸ್ತ್ರ ಮತ್ತು ಧೈರ್ಯ ನಿಮ್ಮ ಜೊತೆಗೆ ಇರಲಿ.

. ಈ ಹಂತ ದಾಟಿ ಹೋದಾಗ ಪರೀಕ್ಷೆ ಬರೆದು ಬಂದವರೆಂಬ ಸ್ವಾಭಿಮಾನ ಎದೆಯ ಮೇಲೆ ಪದಕದಂತೆ ಮೆರೆಯುತ್ತಿರಲಿ. ಮುಂದಿನ ಶೈಕ್ಷಣಿಕ ಹೆಜ್ಜೆಗೆ ಇದು ತುಂಬಾ ಪ್ರಾಮುಖ್ಯದ ಏಣಿ. ಪರೀಕ್ಷೆ ಇಲ್ಲದೇ ಪಾಸಾಗುವುದು ಅಂತಹ ಮಹತ್ವದ ಸಾಧನೆ ಅಲ್ಲ ಎಂಬುದು ನಿಮಗೂ ಗೊತ್ತಿದೆ. ಇಡೀ ವರ್ಷ ಓದಿದ್ದೀರಿ, ನೂರಾರು ಕನಸುಗಳನ್ನು ಕಟ್ಟಿಕೊಂಡಿದ್ದೀರಿ, ಅಪ್ಪ–ಅಮ್ಮನ ಇರಾದೆಗೆ ಧೈರ್ಯ ತುಂಬುವವರಿದ್ದೀರಿ... ಇದಕ್ಕೆಲ್ಲಾ ಪರೀಕ್ಷೆ ಉತ್ತರ ಹೊರತುಪಡಿಸಿ ಬೇರೆ ದಾರಿ ಇಲ್ಲ.

. ನಿಮಗಾಗಿ ಸರ್ಕಾರ ಅಪಾರ ಕಾಳಜಿ, ಆಸಕ್ತಿ ವಹಿಸಿ, ನಿಮ್ಮ ಹಿತದೃಷ್ಟಿಯಿಂದ ಕಣ್ಣಲ್ಲಿ ಕಣ್ಣಿಟ್ಟು ಪರೀಕ್ಷೆಯ ವ್ಯವಸ್ಥೆ ಮಾಡಿದೆ. ಸಾವಿರಾರು ಶಿಕ್ಷಕರು ನಿಮಗಾಗಿ, ನಿಮ್ಮ ಗೆಲುವಿಗೆ ಕಂಕಣಬದ್ಧರಾಗಿ ನಿಂತಿದ್ದಾರೆ.

. ಹೋಗಿ ಬನ್ನಿ ಮಕ್ಕಳೇ, ನಾಳೆ ದಿನ ನಿಮ್ಮದೇ... ಗೆಲುವು ನಿಮ್ಮದೇ... ಆರೋಗ್ಯ ಪ್ರಾಪ್ತಿ, ವಿಜಯಿ ಪ್ರಾಪ್ತಿ... ಸಕಲ ಶ್ರೇಯಸ್ಸು ಪ್ರಾಪ್ತಿ ರಸ್ತು!

. (ಲೇಖಕರು ಸಾಹಿತಿ, ಸಂತೆಬೆನ್ನೂರು ಕರ್ನಾಟಕ ಪಬ್ಲಿಕ್ ಸ್ಕೂಲ್ ಶಿಕ್ಷಕರು)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಸ್ಸೆಸ್ಸೆಲ್ಸಿ ಪರೀಕ್ಷೆ: ವಿಜಯೀಭವ, ಯಶಸ್ವಿಭವ...

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ